പുതിയപ്പുറത്ത് അപകടമേഖലയിലെ മരം മുറിച്ചുമാറ്റി

നടുവണ്ണൂർ: കോഴിക്കോട്-കുറ്റ്യാടി സംസ്ഥാന പാതയിൽനിന്ന് ആരംഭിക്കുന്ന പുതിയപ്പുറം-കോട്ടൂർ റോഡിന്റെ തുടക്കത്തിൽ അപകട മേഖലയായ ഭാഗത്തെ മരം മുറിച്ചുമാറ്റി. മരം കാരണം എതിർദിശയിൽനിന്നുള്ള വാഹനങ്ങൾ വരുന്നത് കാണാൻ ഡ്രൈവർമാർ ഏറെ പ്രയാസമനുഭവിച്ചിരുന്നു. മരംമുറിച്ചത്​ ഡ്രൈവർമാർക്ക് വലിയ അനുഗ്രഹമായി. നാട്ടുകാരുടെ പരാതിയെ തുടർന്ന് പൊതുമരാമത്ത് വകുപ്പിന്‍റെ നിർദേശപ്രകാരമാണ് മരം മുറിച്ചുമാറ്റിയത്. അഞ്ചോളം ജീവൻ പൊലിഞ്ഞ ഈ അപകട മേഖല റോഡ് ശാസ്ത്രീയമായി നവീകരിച്ച് പരിഹാരം കാണാൻ മനുഷ്യാവകാശ കമീഷനെ വരെ സമീപിച്ചിട്ടുണ്ട് പ്രദേശവാസികൾ. ഫോട്ടോ: maram puthiyappuram പുതിയപ്പുറം അപകട മേഖലക്ക്​ സമീപത്തുനിന്ന് മുറിച്ചുമാറ്റിയ മരം