കാലിക്കറ്റിന്​ ഇനി സ്വന്തം റേഡിയോ

കോഴിക്കോട്​: കാലിക്കറ്റ്​ സർവകലാശാലയുടെ സ്വന്തം റേഡിയോ പ്രക്ഷേപണത്തിന്​ സ്വാതന്ത്ര്യദിന പുലരിയിൽ തുടക്കമാകും. 'റേഡിയോ സി.യു' എന്ന ഇന്‍റർനെറ്റ്​ റേഡിയോ സംസ്ഥാനത്തെ സർവകലാശാലകളിൽ ആദ്യ സംരംഭമാണ്​. സർവകലാശാലയുടെ ശബ്​ദം ജനങ്ങളിലേക്കെത്തിക്കുകയാണ്​ റേഡിയോയുടെ ലക്ഷ്യം. അക്കാദമികവും വിനോദവുമായ പരിപാടികളാണ്​ 'റേഡിയോ സി.യു'വിലു​ണ്ടാവുക. സർവകലാശാല ആസ്ഥാനത്ത്​ നടക്കുന്ന പരിപാടികളും കേൾപിക്കും. വിവിധ അറിയിപ്പുകളുമുണ്ടാകും. വിദഗ്​ധരുടെ ക്ലാസുകളുമുണ്ടാകും. മൊബൈൽ ആപ്പിലും റേഡിയോ ലഭ്യമാണ്​. ഇന്‍റേണൽ ക്വാളിറ്റി അഷ്വറൻസ്​ സെൽ ആണ്​ റേഡിയോ എന്ന ആശയം മുന്നോട്ടുവെച്ചത്​.