ആഘോഷമല്ല സഹായമാണ് കർഷകർക്ക് വേണ്ടത് -കർഷക കോൺഗ്രസ്

കോഴിക്കോട്​: കർഷകർക്ക് യാതൊരുപിന്തുണയും നൽകാതെ കർഷകദിനം ആഘോഷിച്ച് ലക്ഷങ്ങൾ ധൂർത്തടിക്കുന്ന സർക്കാർ ആ പണമെങ്കിലും കർഷകരുടെ ക്ഷേമത്തിനായി ഉപയോഗിക്കണമെന്ന് കർഷക കോൺഗ്രസ്. വാഗ്ദാനങ്ങൾ മാത്രം നൽകി കർഷകരെ പറ്റിക്കുന്ന ഈ വഞ്ചനക്കെതിരെ ആഗസ്റ്റ് 16 വഞ്ചനദിനമായി ആചരിക്കും. യോഗം ജില്ല പ്രസിഡന്‍റ്​ മാജൂഷ് മാത്യൂസ് ഉദ്​ഘാടനം ചെയ്തു. എൻ.പി. വിജയൻ, മൊയ്തു കോരങ്കോട്ട്, രാജശേഖരൻ, മാത്യു ദേവഗിരി, അനീഷ്, പത്മാഷൻ, സന്തോഷ് കുമാർ, ഫാസിൽ ബേപ്പൂർ, രാജൻബാബു ചേളന്നൂർ തുടങ്ങിയവർ സംസാരിച്ചു.