മുഹമ്മദ് പേരാമ്പ്രക്ക് പുരസ്കാരം

വടകര: നാടക-സിനിമ നടനും സംവിധായകനുമായ വില്യാപള്ളി രാജന്റെ സ്മരണാർഥം വില്യാപള്ളി രാജൻ അനുസ്മരണ സമിതി ഏർപ്പെടുത്തിയ ഈ വർഷത്തെ അവാർഡ് നടൻ മുഹമ്മദ് പേരാമ്പ്രക്ക് സമ്മാനിക്കുമെന്ന് സെക്രട്ടറി സജീവൻ ചോറോട് അറിയിച്ചു. മാമുക്കോയ, ​ഫ്രാൻസിസ് ടി. മാവേലിക്കര, ടി. കെ. വിജയരാഘവൻ എന്നിവരടങ്ങിയ ജൂറിയാണ് ജേതാവിനെ തെരഞ്ഞെടുത്തത്. 19ന് വില്യാപള്ളി രാജൻ ചരമദിനത്തിൽ ചോറോട് വൈകീട്ട് 3.30ന് 10,001 രൂപയും പ്രശസ്തിപത്രവും ജിതേഷ് ചേന്ദമംഗലം രൂപകൽപന ചെയ്ത മെമന്റോയുമടങ്ങുന്ന അവാർഡ് കരിവെള്ളൂർ മുരളി സമ്മാനിക്കും. വി.ടി. മുരളി അധ്യക്ഷത വഹിക്കും. പടം. മുഹമ്മദ് പേരാമ്പ്ര Saji 1 KP, Kz