വീടി​ന്‍റെ മേൽക്കൂര തകർന്ന്​ വയോധികൻ മരിച്ചനിലയിൽ

അഗളി: ഷോളയൂർ വെങ്കകടവിൽ വയോധികനെ വീടി​ന്‍റെ മേൽക്കൂര തകർന്നുവീണ്​ മരിച്ചനിലയിൽ കണ്ടെത്തി. പെരുമാൾ എന്ന സുഗുണൻ ആണ് മരിച്ചത്​. ഭാര്യയും മകളും നേരത്തേ മരിച്ചതിനാൽ ഇയാൾ ഒറ്റക്ക് താമസിച്ചുവരുകയായിരുന്നു. മറ്റു കുടുംബങ്ങളും പരിസരത്തില്ല. ജനവാസ കേന്ദ്രമായ മാറനട്ടി ഊരിൽനിന്ന്​ അകലെ കല്ലംതോടിന് മറുവശത്താണ്​ ഇയാൾ താമസിച്ചിരുന്നത്​.