കെ.പി.ആർ ദിനാചരണം

കല്യാശ്ശേരി: കമ്യൂണിസ്റ്റ് വിപ്ലവകാരിയും സ്വതന്ത്ര്യസമര സേനാനിയുമായ കെ.പി.ആർ ഗോപാലന്റെ 25ാം ചരമവാർഷിക ദിനാചരണം കല്യാശ്ശേരിയിൽ നടന്നു. സി.പി.എം ജില്ല സെക്രട്ടേറിയറ്റ് അംഗം പി. ഹരീന്ദ്രൻ ഉദ്ഘാടനം ചെയ്തു. സി.പി.എം ഏരിയ കമ്മിറ്റിയംഗവും കല്യാശ്ശേരി ഗ്രാമപഞ്ചായത്ത് അധ്യക്ഷനുമായ ടി.ടി. ബാലകൃഷ്ണൻ, നേതാക്കളായ കെ. സന്തോഷ്, ടി. ചന്ദ്രൻ എന്നിവർ സംസാരിച്ചു. കല്യാശ്ശേരിയിലെ കെ.പി.ആറിന്റെ സ്മൃതികുടീരത്തിൽ പുഷ്പാർച്ചനയും നടന്നു. പി. ഹരീന്ദ്രൻ, കെ. സന്തോഷ്, ചന്ദ്രൻ, വി.സി. പ്രേമരാജൻ എന്നിവർ നേതൃത്വം നൽകി.