പഴശ്ശിരാജ പുരസ്​കാരം കെ.എസ്.​ ചിത്രക്ക്

കോഴിക്കോട്: പഴശ്ശിരാജ ചാരിറ്റബ്​ൾ ട്രസ്റ്റിന്‍റെ പഴശ്ശിരാജ പുരസ്​കാരം ഗായിക കെ.എസ്.​ ചിത്രക്ക്. ഫെസ്റ്റിവൽ ഓഫ് ലിബർട്ടിയുടെ ഭാഗമായി ആഗസ്റ്റ്​ 16ന് വൈകീട്ട് നാലിന്​ കോഴിക്കോട് ടാഗോർ സൻെറിനറി ഹാളിൽ നടക്കുന്ന ചടങ്ങിൽ എം.ടി. വാസുദേവൻ നായർ പുരസ്​കാരം സമ്മാനിക്കും. തലമുറകൾ ഏറ്റുപാടിയ നിത്യഹരിത ഗാനങ്ങൾ സമ്മാനിച്ച ഗായിക എന്ന നിലയിൽ രാഷ്ട്രത്തിന്‍റെ സാംസ്​കാരിക ചരിത്രത്തിലും സാധാരണക്കാരുടെ ദൈനംദിന ജീവിതത്തിലും ചിത്ര തന്‍റെ സാന്നിധ്യം തങ്ക ലിപികളാൽ രേഖപ്പെടുത്തിയെന്ന്​ പുരസ്കാരസമിതി നിരീക്ഷിച്ചതായി ട്രസ്റ്റ്​ സെക്രട്ടറി എം.കെ. രവി വർമ രാജ അറിയിച്ചു. ​