ശ്രീനാരായണഗുരു ഓപ്പണ്‍ സര്‍വകലാശാല: കോഴിക്കോട് ഓഫിസ് ഉദ്ഘാടനം

കോഴിക്കോട്: ഗവ. ആര്‍ട്സ് ആൻഡ്​ സയന്‍സ് കോളജില്‍ പ്രവര്‍ത്തിക്കുന്ന ശ്രീനാരായണഗുരു ഓപ്പണ്‍ സര്‍വകലാശാലയുടെ പ്രാദേശികകേന്ദ്രം ഓഫിസ് കോളജ് പ്രിന്‍സിപ്പല്‍ ഡോ. എടക്കോട്ട് ഷാജി ഉദ്ഘാടനം ചെയ്തു. കോളജ് കൗണ്‍സില്‍ സെക്രട്ടറി ഡോ. സലീം അധ്യക്ഷത വഹിച്ചു. വാര്‍ഡ് കൗണ്‍സിലര്‍ രമ്യ, വൈസ് പ്രിന്‍സിപ്പല്‍ ഡോ. മിനി, റൂസ കോഓഡിനേറ്റര്‍ ഡോ. ആനന്ദ്, ഐ.ക്യൂ.എ.സി കോഓഡിനേറ്റര്‍ ഡോ. മോന്‍സി മാത്യു, കോളജ് സൂപ്രണ്ട് ഇന്ദു എന്നിവര്‍ സംസാരിച്ചു. പ്രാദേശികകേന്ദ്രം ഡയറക്ടര്‍ ഡോ. രാഹുല്‍ സ്വാഗതവും കാലിക്കറ്റ് യൂനിവേഴ്സിറ്റി സെനറ്റ് അംഗം ഡോ. സോണിയ നന്ദിയും പറഞ്ഞു. കോഴിക്കോട്, മലപ്പുറം ജില്ലകളിലെ സര്‍വകലാശാലയുടെ അക്കാദമിക പ്രവര്‍ത്തനങ്ങളുടെ ഏകോപനമാണ് പ്രാദേശികകേന്ദ്രത്തിന്‍റെ പ്രധാന ഉത്തരവാദിത്തം. വിവിധ സ്ഥലങ്ങളില്‍ സ്ഥാപിച്ച ലേണിങ്​ സപ്പോര്‍ട്ട് സെന്‍ററുകള്‍ വഴിയാണ് പ്രവര്‍ത്തനങ്ങള്‍ മുന്നോട്ട് കൊണ്ടുപോകുക.