മാനന്തവാടി സ്വദേശിനി യു.എ.ഇയിൽ വാഹനാപകടത്തിൽ മരിച്ചു

മാനന്തവാടി: മാനന്തവാടി ഒണ്ടയങ്ങാടി സ്വദേശിനി യു.എ.ഇയിൽ വാഹനാപകടത്തിൽ മരിച്ചു. റംഷീനയാണ് (32) ഇന്നലെ വൈകീട്ട് യു.എ.ഇയിലുണ്ടായ വാഹനാപകടത്തിൽ മരിച്ചത്. ചെറ്റപ്പാലം അരങ്ങിൽതാഴെ ഹഫ്സലിന്‍റെ ഭാര്യയാണ്. മുഹമ്മദ് ഇഹ്സാൻ മകനാണ്. പ്രവാസിയായ ഒണ്ടയങ്ങാടി ആനപ്പാറ അബൂബക്കർ -റംല ദമ്പതികളുടെ മകളാണ് റംഷീന. ജോലിസ്ഥലത്തുനിന്ന് തിരികെ മടങ്ങുംവഴി റോഡ് മുറിച്ചുകടക്കവെ വാഹനം ഇടിച്ചതായാണ് ബന്ധുക്കളിൽനിന്ന് ലഭിക്കുന്ന വിവരം.