നല്ല കലയെ തമസ്കരിക്കാനാകില്ല - പ്രകാശ്​ ബാരെ

കോ​ഴിക്കോട്​: സാംസ്കാരിക അപചയം നിലനിൽക്കുന്ന ഇക്കാലത്ത്​ നല്ല കലയെ തമസ്കരിക്കാനാകില്ലെന്ന്​ സംവിധായകനും നടനുമായ പ്രകാശ്​ ബാരെ. അന്തരിച്ച നാടക പ്രവർത്തകൻ എ. ശാന്തകുമാറിന്‍റെ ഓർമക്കായി റെഡ്​ യങ്​സ്​ മഞ്ചാടിക്കുരു സംഘടിപ്പിച്ച ചടങ്ങിൽ സംസാരിക്കുകയായിരുന്നു പ്രകാശ്​ ബാരെ. താരങ്ങൾ വളർന്ന്​ ക്വട്ടേഷൻ ​നൽകി ബലാത്സംഗം ചെയ്യിക്കുന്ന കാലമാണിതെന്നും അദ്ദേഹം പറഞ്ഞു. കോഴിക്കോടൻ നാടക സംസ്കാരത്തിന്‍റെ ​പ്രതിനിധിയായിരുന്നു ശാന്തകുമാ​റെന്നും പ്രകാശ്​ ബാരെ കൂട്ടിച്ചേർത്തു​. മോഹനൻ പുതിയോട്ടിൽ അധ്യക്ഷത വഹിച്ചു. ടി.വി. ബാലൻ, കെ. അജിത, സതീശ്​ കെ സതീശ്​, എം.എം. സചീന്ദ്രൻ, അപ്പുണ്ണി ശശി, ശിരീഷ്​ പി.സി പാലം, സുധി, പ്രിയ വെള്ളിമാടുകുന്ന്​, ബൈജു മേരിക്കുന്ന്​ എന്നിവർ സംസാരിച്ചു. ടൗൺഹാളിൽ നടന്ന അനുസ്മരണ ചടങ്ങിന്​ ശേഷം, ശാന്തകുമാർ രചിച്ച 'ഭൂപടം മാറ്റിവരയ്ക്കുമ്പോൾ' നാടകം അരങ്ങേറി. AB 9 റെഡ് യങ്സ് മഞ്ചാടിക്കുരു ടൗൺ ഹാളിൽ സംഘടിപ്പിച്ച എ. ശാന്തകുമാർ അനുസ്മരണത്തിൽ നടനും നിർമാതാവുമായ പ്രകാശ് ബാരെ സംസാരിക്കുന്നു