സുജനപാലിനെപ്പോലുള്ള പൊതുപ്രവർത്തകരെയാണ്​ കാലഘട്ടം ആവശ്യപ്പെടുന്നത്​ -​വി.ഡി. സതീശൻ

കോഴിക്കോട്​: ഗാന്ധിയൻ ദർശനവും നെഹ്​റൂവിയൻ സമീപനവും പൂർണമായും ഉൾക്കൊണ്ട കോൺഗ്രസ്​ നേതാവായിരുന്നു എ. സുജനപാലെന്നും അദ്ദേഹത്തെ പോലെയുള്ള പൊതുപ്രവർത്തകരെയാണ്​ ഈ കാലഘട്ടം ആവശ്യപ്പെടുന്നതെന്നും പ്രതിപക്ഷ നേതാവ്​ വി.ഡി. സതീശൻ. സുജനപാൽ അനുസ്മരണ സമിതി ഡി.സി.സി ഹാളിൽ സംഘടിപ്പിച്ച അനുസ്മരണം ഉദ്​ഘാടനം ചെയ്യുകയായിരുന്നു അദ്ദേഹം. ഒരാൾക്കും വിരോധം തോന്നാത്ത സൗമ്യനായിരുന്നു. പരിസ്ഥിതി പ്രവർത്തനങ്ങളെ പിന്തുണച്ച മികച്ച എഴുത്തുകാരനും വായനക്കാരനുമായിരുന്നു അദ്ദേഹ​മെന്നും സതീശൻ പറഞ്ഞു. മുൻ ഡി.സി.സി പ്രസിഡന്‍റ്​ കെ.സി. അബു അധ്യക്ഷത വഹിച്ചു. എം.കെ. രാഘവൻ എം.പി അനുസ്മരണ പ്രഭാഷണം നടത്തി. അഡ്വ. പി.എം. നിയാസ്​, കെ. ജയന്ത്​, കെ.എം. അഭിജിത്ത്​, കെ. ബാലനാരായണൻ, അഡ്വ. എം. രാജൻ, കണ്ടിയിൽ ഗംഗാധരൻ, കെ.എം. അഭിജിത്ത്​, പി.എം. അബ്​ദുറഹിമാൻ തുടങ്ങിയവർ സംബന്ധിച്ചു. അനുസ്മരണ സമിതി ജനറൽ കൺവീനർ രവീന്ദ്രൻ കേളാത്ത്​ സ്വാഗതവും കൺവീനർ പി.ടി. ധർമരാജ്​ നന്ദിയും പറഞ്ഞു.