ആരോഗ്യ വകുപ്പ് പരിശോധന നടത്തി

മാവൂർ: ഗ്രാമ പഞ്ചായത്തിലെ ഭക്ഷ്യ ഉൽപാദന വിതരണ കേന്ദ്രങ്ങളിൽ ആരോഗ്യ വകുപ്പ് ഉദ്യോഗസ്ഥർ പരിശോധന നടത്തി. ചെറൂപ്പ എം.സി.എച്ച് യൂനിറ്റ് ഹെൽത്ത് സൂപ്പർവൈസർ പി.കെ. ഹമീദ്, ഹെൽത്ത് ഇൻസ്‌പെക്ടർ കെ.സി. പ്രജിത്ത്, ജൂനിയർ ഹെൽത്ത് ഇൻസ്പെക്ടർമാരായ പ്രവീൺ കുമാർ, സി.ആരിഫ്, സുരേഷ് കുമാർ, ജൂനിയർ ഹെൽത്ത് ഇൻസ്പെക്ടർ ട്രെയിനീസ് എന്നിവരാണ് പരിശോധനക്ക് നേതൃത്വം നൽകിയത്. പരിശോധനയിൽ, പഞ്ചായത്ത് ലൈസൻസ് ഇല്ലാതെ പ്രവർത്തിക്കുന്ന സ്ഥാപനങ്ങൾക്ക് കർശന നിർദേശം നൽകുകയും വൃത്തിഹീനമായ സാഹചര്യത്തിൽ പ്രവർത്തിച്ച സ്ഥാപനങ്ങൾക്ക് നോട്ടീസ് നൽകുകയും ഒരു സ്ഥാപനം താൽകക്കാലികമായി അടപ്പിക്കുകയും ചെയ്തു. പുകയില വിമുക്ത ബോർഡ് സ്ഥാപിക്കാത്ത വ്യാപാര സ്ഥാപനങ്ങൾക്ക് നിർദേശം നൽകുകയും പൊതുസ്ഥലത്ത് പുക വലിച്ചതിന് പിഴ ഈടാക്കുകയും ചെയ്തു. മുഴുവൻ വ്യാപാര സ്ഥാപനങ്ങളിലും പുകയില വിമുക്ത ബോർഡ് സ്ഥാപിക്കുകയും ഭക്ഷണസാധനങ്ങൾ വിൽക്കുകയും വിതരണം ചെയ്യുകയും ചെയ്യുന്ന മുഴുവൻ സ്ഥാപനങ്ങളും സാനിറ്ററി സർട്ടിഫിക്കറ്റ് എടുക്കേണ്ടതാണെന്നും വരും ദിവസങ്ങളിൽ പരിശോധന ഊർജിതപ്പെടുത്തുമെന്നും ഹെൽത്ത് ഓഫിസർ അറിയിച്ചു.