സൗഹൃദ സദസ്സ്

കുന്ദമംഗലം: വിമർശനങ്ങളെ അതിജയിക്കാനുള്ള കരുത്താണ് ഇസ്‌ലാമിന്റെ സവിശേഷതയെന്ന് ജമാഅത്തെ ഇസ്‌ലാമി വനിതവിഭാഗം ജില്ല സമിതി സംഘടിപ്പിച്ച സൗഹൃദ സദസ്സ് അഭിപ്രായപ്പെട്ടു. ഇസ്‌ലാമിന്റെ സൗരഭ്യം ഇതരസമൂഹങ്ങൾക്ക് അനുഭവവേദ്യമാക്കുക എന്നതുതന്നെയാണ് ഈ കാലഘട്ടത്തിലെ ഏറ്റവും വലിയ പ്രതിരോധ പ്രവർത്തനം. കുന്ദമംഗലം എ.എം.ഐ ഓഡിറ്റോറിയത്തിൽ നടന്ന സൗഹൃദ സദസ്സ് ജമാഅത്തെ ഇസ്‌ലാമി ജില്ല പ്രസിഡൻറ് ടി. ശാക്കിർ ഉദ്ഘാടനം ചെയ്തു. വനിതവിഭാഗം ജില്ല പ്രസിഡൻറ് ആയിഷ ഹബീബ് അധ്യക്ഷത വഹിച്ചു. ജില്ല പഞ്ചായത്ത് മെംബർ ശറഫുന്നിസ, ജനപ്രതിനിധികളായ സാറ കൂടാരം, സി.എ. ആയിഷ ടീച്ചർ, കെ.ജി. സീനത്ത്, ശരീഫ കണ്ണാടിപ്പൊയിൽ, സാജിദ മജീദ് തുടങ്ങിയവർ സംസാരിച്ചു.