'അഗ്നിപഥ് പിൻവലിക്കണം'

കോഴിക്കോട്: തൊഴിൽസുരക്ഷയും ആനുകൂല്യങ്ങളും നിഷേധിക്കുന്ന കരാർസമ്പ്രദായം രാജ്യസുരക്ഷ മേഖലയിലേക്കും വ്യാപിപ്പിക്കാനുള്ള കേന്ദ്രസർക്കാറിന്റെ അഗ്നിപഥ് പദ്ധതി പിൻവലിക്കണമെന്ന് ഹിന്ദ് മസ്ദൂർ സഭ സംസ്ഥാന കമ്മിറ്റി ആവശ്യപ്പെട്ടു. തൊഴിലന്വേഷകരായ ലക്ഷക്കണക്കിന് യുവജനങ്ങളെ ആശങ്കപ്പെടുത്തുന്നതാണ് കേന്ദ്രസർക്കാറിന്റെ തീരുമാനം. യൂസ് ആൻഡ് ത്രോ നിലപാട് രാജ്യത്തിന്റെ സാമൂഹിക-സാമ്പത്തിക മേഖലകളിൽ കടുത്ത പ്രത്യാഘാതം സൃഷ്ടിക്കും. യുവജനങ്ങൾ നടത്തുന്ന സമാധാനപരമായ സമരത്തിന് എച്ച്.എം.എസ് കേന്ദ്രനേതൃത്വം പിന്തുണ അറിയിച്ചിട്ടുണ്ട്.