മഴയിൽ വീട് തകർന്നു

പേരാമ്പ്ര: കൂത്താളി ഗ്രാമപഞ്ചായത്ത് എട്ടാം വാർഡിലെ ആശാരിമുക്കിൽ ഓണിയിൽ ഭാസ്കരൻ നായരുടെ വീട് മഴയിൽ തകർന്നു. ഓടുമേഞ്ഞ വീടാണ് നിലംപൊത്തിയത്. വീട്ടിനുള്ളിൽ ആളില്ലാത്തതുകൊണ്ട് വലിയ അപകടം ഒഴിവായി. ഒന്നര ലക്ഷം രൂപയുടെ നഷ്ടം കണക്കാക്കുന്നു. പേരാമ്പ്ര വില്ലേജിലെ സ്പെഷൽ വില്ലേജ് ഓഫിസർ രാജീവൻ സ്ഥലം സന്ദർശിച്ചു. Photo: ആശാരിമുക്കിൽ മഴയിൽ തകർന്ന വീട്