വായനദിനം ആചരിച്ചു

അത്തോളി: ഗ്രാമപഞ്ചായത്ത് ലൈബ്രറിയുടെ നേതൃത്വത്തിൽ വായനദിനത്തിൽ എൽ.പി, യു.പി വിദ്യാർഥികൾക്ക് പ്രശ്നോത്തരി മത്സരം സംഘടിപ്പിച്ചു. ഗ്രാമപഞ്ചായത്ത് വൈസ് പ്രസിഡന്റ് സന്ദീപ് നാലുപുരക്കൽ ഉദ്ഘാടനം ചെയ്തു. ആരോഗ്യ-വിദ്യാഭ്യാസ ചെയർപേഴ്‌സൻ എ.എം. സരിത അധ്യക്ഷത വഹിച്ചു. ജോബി മാത്യു മുഖ്യപ്രഭാഷണം നടത്തി. ബൈജു കൂമുള്ളി, സുനീഷ് നടുവിലയിൽ, വാസവൻ പൊയിലിൽ, സി.കെ. റിജേഷ്, രേഖ വെള്ളത്തോട്ടത്തിൽ, ഷിജു തയ്യിൽ, രമേശൻ വലിയാറമ്പത്ത് എന്നിവർ സംസാരിച്ചു. അത്തോളി: വേളൂർ ജി.എം യു.പി സ്കൂളിലെ വായന വാരാഘോഷ പരിപാടികൾ റംഷാദ് മണാട്ട് ഉദ്‌ഘാടനം ചെയ്തു. പി.ടി.എ പ്രസിഡന്റ് വി.എം. മനോജ് കുമാർ അധ്യക്ഷത വഹിച്ചു. പ്രധാനാധ്യാപകൻ കെ.സി. മുഹമ്മദ് ബഷീർ, എസ്.എം.സി ചെയർമാൻ വി.എം. ഷിജു, പി. ശ്രീലത, എസ്. ജിത എന്നിവർ സംസാരിച്ചു.