പുസ്തകങ്ങൾ വീട്ടിലെത്തിച്ച് അധ്യാപകർ

മുക്കം: വായന വീട്ടിലും വിദ്യാലയത്തിലും എന്ന പരിപാടിയുടെ ഭാഗമായി വായന ദിനത്തിൽ സ്കൂളിലെ കുട്ടികളുടെ വീടുകളിൽ പുസ്തകം എത്തിച്ച് അധ്യാപകർ. നെല്ലിക്കാപറമ്പ് സി.എച്ച് മെമ്മോറിയൽ എൽ.പി സ്കൂളിലെ അധ്യാപകരാണ് പുസ്തകവുമായി കുട്ടികളുടെ വീടുകളിലെത്തിയത്. സ്കൂളിലെ മുഴുവൻ കുട്ടികളുടെ വീടുകളിലും സമ്പൂർണ ഗൃഹലൈബ്രറി ഒരുക്കാനാണ് ലക്ഷ്യമിടുന്നത്. വിദ്യാർഥി പ്രതിനിധി മുഹമ്മദ് ദിൽഷന് പുസ്തകം നൽകി പി.ടി.എ പ്രസിഡന്റ് കെ.ടി. ശരീഫ് ഉദ്ഘാടനം ചെയ്തു. പ്രധാനാധ്യാപകൻ സി.കെ. ഷമീർ, സി.കെ. വിജീഷ്, കെ.ടി. അജ്മൽ, എം. ഉമ്മു കുൽസു, ജസ്ന എടാരത്ത് എന്നിവർ നേതൃത്വം നൽകി.