വികസന സെമിനാർ

മടവൂർ: ഗ്രാമപഞ്ചായത്ത്‌ വികസന സെമിനാർ പ്രസിഡന്റ് രാഘവൻ അടുക്കത്ത് ഉദ്ഘാടനം ചെയ്തു. വൈസ് പ്രസിഡന്റ് കെ.വി. ലളിത അധ്യക്ഷത വഹിച്ചു. വികസനകാര്യ സ്റ്റാൻഡിങ് കമ്മിറ്റി ചെയർപേഴ്സൻ ബുഷ്റ പൂളോട്ടുമ്മൽ പതിനാലാം പഞ്ചവത്സര പദ്ധതികളുടെ വിശദീകരണം നടത്തി. ആസൂത്രണ സമിതി ഉപാധ്യക്ഷൻ വി.സി. റിയാസ് ഖാൻ, ബ്ലോക്ക്‌ പഞ്ചായത്ത്‌ വൈസ് പ്രസിഡന്റ് സലീന സിദ്ദീഖലി, ആരോഗ്യകാര്യ സ്റ്റാൻഡിങ് കമ്മിറ്റി ചെയർപേഴ്സൻ ഷൈനി താഴാട്ട്, ക്ഷേമകാര്യ സ്റ്റാൻഡിങ് കമ്മിറ്റി ചെയർപേഴ്സൻ ഫെബിന അബ്ദുൽ അസീസ്, ബ്ലോക്ക്‌ പഞ്ചായത്ത്‌ മെംബർ ഷിൽന ഷിജു, പി.കെ.ഇ. ചന്ദ്രൻ സംസാരിച്ചു. ഗ്രാമപഞ്ചായത്ത്‌ സെക്രട്ടറി ആബിദ സ്വാഗതവും വാർഡ് മെംബർ സന്തോഷ്‌ നന്ദിയും പറഞ്ഞു.