ലോറി കയറി സ്കൂട്ടർ യാത്രികനായ യുവാവ് മരിച്ചു

ഗൂഡല്ലൂർ: കാറിനെ മറികടക്കവേ എതിരെവന്ന ലോറിക്കടിയിൽപെട്ട് തലയിലൂടെ ടയർ കയറിയിറങ്ങി സ്കൂട്ടർ യാത്രികനായ യുവാവ് തൽക്ഷണം മരിച്ചു. ഗൂഡല്ലൂർ-നാടുകാണി റോഡിലെ ഇരുമ്പുപാലം സ്വദേശി രാജന്റെ മകൻ സുരേഷ്കുമാറാണ് (21) മരിച്ചത്. നന്തട്ടി ക്ഷേത്രത്തിനു സമീപം ഞായറാഴ്ച രാവിലെ 11ഓടെയാണ് അപകടം. ഗൂഡല്ലൂരിൽനിന്ന് വീട്ടിലേക്ക് പോവുകയായിരുന്നു. നർത്തകിക്കടുത്ത് മുന്നിലുള്ള കാറിനെ മറികടക്കുമ്പോഴാണ് നാടുകാണി ഭാഗത്തുനിന്ന് വരുകയായിരുന്ന ലോറിയിൽതട്ടി അപകടത്തിൽപെട്ടത്. ഗൂഡല്ലൂർ പൊലീസ് ഇൻക്വസ്റ്റ് നടത്തി. GDR S KUMAR(21)