മരത്തിൽനിന്നു വീണ് പരിക്കേറ്റയാൾ മരിച്ചു

മാനന്തവാടി: മരത്തിൽനിന്നു വീണു പരിക്കേറ്റ് ചികിത്സയിലായിരുന്ന യുവാവ് മരിച്ചു. വാളാട് ചിലമ്പിക്കുന്നേൽ ബെന്നിയുടെയും റോസമ്മയുടെയും മകൻ സോണി (39) ആണ് മരിച്ചത്. രണ്ടുമാസത്തോളമായി കോഴിക്കോട് സ്വകാര്യ ആശുപത്രിയിൽ ചികിത്സയിലായിരുന്നു. നാട്ടുകാർ ചികിത്സ സഹായകമ്മിറ്റി രൂപവത്കരിച്ച് പ്രവർത്തനം നടത്തിവരുകയായിരുന്നു. വെള്ളിയാഴ്ച രാവിലെയാണ് മരിച്ചത്. ഭാര്യ: സനുഷ. മകൾ: ഇഷാനി സോണി.