അഗ്നിപഥ്: തെറ്റിദ്ധരിപ്പിക്കാൻ ശ്രമമെന്ന്​ കെ.സുരേന്ദ്രൻ

കോഴിക്കോട്: നരേന്ദ്ര മോദി സർക്കാറിന്‍റെ പദ്ധതിയായ അഗ്നിപഥിനെതിരെ കുപ്രചാരണം നടത്തി യുവാക്കളെ തെറ്റിദ്ധരിപ്പിക്കാൻ ചിലർ ശ്രമിക്കുകയാണെന്ന് ബി.ജെ.പി സംസ്ഥാന പ്രസിഡന്റ്​ കെ.സുരേന്ദ്രൻ. തൊഴിലവസരങ്ങൾ സൃഷ്ടിക്കുമ്പോൾ അതിനെതിരെ സമരം ചെയ്യുന്നത് വഞ്ചനയാണെന്നും അദ്ദേഹം പ്രസ്താവനയിൽ പറഞ്ഞു. ഈ പദ്ധതിയെ ട്രേഡ് യൂനിയൻ കണ്ണിലൂടെയാണ് കോൺഗ്രസും സി.പി.എമ്മും കാണുന്നത്. ട്രെയിനും ബസും കത്തിച്ച് രാജ്യത്ത് അരാജകത്വം സൃഷ്ടിക്കുന്നവർക്കുമുന്നിൽ മോദി സർക്കാർ മുട്ടുമടക്കുകയില്ല. ഇത് വിലപ്പോവില്ലെന്നും സുരേന്ദ്രൻ പറഞ്ഞു.