വെങ്ങിണ്ടോറ 'ഞങ്ങളും കൃഷിയിലേക്ക്' പദ്ധതി

നരിക്കുനി: വെങ്ങിണ്ടോറ മലയിൽ ഹരിതവിപ്ലവം സൃഷ്ടിക്കാൻ ഗ്രാമപഞ്ചായത്ത് ജനപ്രതിനിധികൾ. 'ഞങ്ങളും കൃഷിയിലേക്ക്' പദ്ധതിയുടെ ഭാഗമായായിരുന്നു പ്രസിഡന്റ് സി.കെ. സലീമും അംഗങ്ങളും രംഗത്തിറങ്ങിയത്. ​മലയിലെ ഒരേക്കർ തരിശ് സ്ഥലം ജൈവകൃഷിക്ക് അനുയോജ്യമാക്കി. തൊഴിലുറപ്പു തൊഴിലാളികളും പങ്കുചേർന്നു. സ്റ്റാൻഡിങ് കമ്മിറ്റി ചെയർപേഴ്സൻ ഉമ്മുസൽമ, അംഗങ്ങളായ മൊയ്തീൻ, ടി. രാജു, സുബൈദ, വി.പി. മിനി എന്നിവരും പങ്കെടുത്തു. പടം : വെങ്ങിണ്ടോറ മലയിൽ പ്രസിഡൻറ് സി.കെ. സലീമിന്റെ നേതൃത്വത്തിൽ കൃഷിക്കായി നിലം ഒരുക്കുന്നു