എസ്.എസ്.എൽ.സി: നാദാപുരത്ത് സർക്കാർ സ്കൂളുകൾക്ക് മികച്ച നേട്ടം

നാദാപുരം: എസ്.എസ്.എൽ.സി ഫലം പുറത്തുവന്നപ്പോൾ മേഖലയിലെ സർക്കാർ സ്കൂളുകൾക്ക് മികച്ച നേട്ടം. മലയോരത്തെ സർക്കാർ വിദ്യാലയമായ വെള്ളിയോട് ഹൈസ്കൂളിൽ, പരീക്ഷയെഴുതിയ 136 കുട്ടികളും വിജയിച്ചു. അഞ്ച് എ പ്ലസും നേടി. 269 കുട്ടികൾ പരീക്ഷയെഴുതിയ വളയം ഗവ. സെക്കൻഡറി സ്കൂളിൽ ഒരു കുട്ടിയുടെ തോൽവിയിൽ നൂറു ശതമാനം നഷ്ടമായി. 24 ഫുൾ എ പ്ലസ് നേടി. കല്ലാച്ചി ഗവ. ഹയർസെക്കൻഡറി സ്കൂൾ നൂറു ശതമാനം വിജയം നേടി. 170 കുട്ടികളും വിജയിച്ചു. ഫുൾ എ പ്ലസ് 26. സ്വകാര്യ സ്കൂളിൽ എം.ഐ.എം പേരോട്, ടി.ഐ.എം ഗേൾസ് ഹയർസെക്കൻഡറി സ്കൂൾ, ഉമ്മത്തൂർ എസ്.ഐ.എച്ച്.എസ് കെ.ആർ. ഹൈസ്കൂൾ പുറമേരി എന്നിവ നൂറുശതമാനം വിജയം നേടി.