കോണ്‍ഗ്രസ് എറണാകുളം, കോഴിക്കോട് ഇ.ഡി ഓഫിസ് മാര്‍ച്ച് ഇന്ന്

കോഴിക്കോട്​: കേന്ദ്ര അന്വേഷണ ഏജന്‍സികളെ ഉപയോഗിച്ച് കള്ളക്കേസെടുത്ത് കോണ്‍ഗ്രസ് പാര്‍ട്ടിയെയും നെഹ്റു കുടുംബത്തെയും തുടര്‍ച്ചയായി അപകീര്‍ത്തിപ്പെടുത്താനുള്ള മോദിസര്‍ക്കാറിന്‍റെ നീക്കത്തിനെതിരെ എ.ഐ.സി.സി ആഹ്വാനമനുസരിച്ച് തിങ്കളാഴ്ച എറണാകുളം, കോഴിക്കോട് എന്‍ഫോഴ്സ്മെന്‍റ് ഡയറക്ടറേറ്റ് ഓഫിസുകളിലേക്ക് കോണ്‍ഗ്രസിന്‍റെ നേതൃത്വത്തില്‍ പ്രതിഷേധ മാര്‍ച്ചും സത്യഗ്രഹവും സംഘടിപ്പിക്കും. എറണാകുളം മാര്‍ച്ച് പ്രതിപക്ഷ നേതാവ് വി.ഡി. സതീശനും കോഴിക്കോട് രമേശ് ചെന്നിത്തലയും ഉദ്ഘാടനം ചെയ്യും. തിരുവനന്തപുരം മുതല്‍ തൃശൂര്‍ വരെയുള്ള എട്ടു ജില്ലകളിലെ കോണ്‍ഗ്രസ് ജനപ്രതിനിധികളും കെ.പി.സി.സി, ഡി.സി.സി നേതാക്കളും എറണാകുളത്തും പാലക്കാട് മുതല്‍ കാസർകോട് വരെയുള്ള ആറ് ജില്ലകളിലെ നേതാക്കള്‍ കോഴിക്കോടും മാര്‍ച്ചുകളില്‍ പങ്കെടുക്കും.