പ്രൈവറ്റ് രജിസ്ട്രേഷൻ പി.ജി അസൈൻമെന്റ്

കണ്ണൂർ: കണ്ണൂർ സർവകലാശാല പ്രൈവറ്റ് രജിസ്ട്രേഷൻ 2020 പ്രവേശനം രണ്ടാം സെമസ്റ്റർ ബിരുദാനന്തര ബിരുദ പ്രോഗ്രാമുകളുടെ (ഏപ്രിൽ 2021 സെഷൻ) ഇന്‍റേണൽ ഇവാലുവേഷന്‍റെ ഭാഗമായുള്ള അസൈൻമെന്റ് ജൂൺ 25ന്​ വൈകീട്ട്​ അഞ്ചിനകം വിദൂര വിദ്യാഭ്യാസ വിഭാഗത്തിൽ സമർപ്പിക്കണം. സർവകലാശാല വെബ്‌സൈറ്റിൽ 'Academics-Private Registration' ലിങ്കിൽ എൻറോൾമെന്‍റ്​ നമ്പറും ജനന തീയതിയും നൽകി അസൈൻമെന്റ് ചോദ്യങ്ങളും മാർഗനിർദേശങ്ങളും ഡൗൺലോഡ് ചെയ്യാം. അസൈൻമെന്‍റുകൾക്കുള്ള ഫീസ് പേപ്പർ ഒന്നിന് 90 രൂപ നിരക്കിൽ 'School of Distance Education - Course Fee' എന്ന ശീർഷകത്തിലാണ് അടക്കേണ്ടത്. തീയതി നീട്ടി അഫിലിയേറ്റഡ് കോളജുകളിലെയും സെന്ററുകളിലെയും ഒന്നാം സെമസ്റ്റർ എം.സി.എ (റഗുലർ/ സപ്ലിമെന്ററി/ ഇംപ്രൂവ്മെന്റ്) നവംബർ 2021 പരീക്ഷകൾക്ക് അപേക്ഷിക്കുന്നതിനുള്ള അവസാന തീയതി പിഴയില്ലാതെ ജൂൺ 13 വരെയും പിഴയോടെ 15 വരെയും നീട്ടി. സപ്ലിമെന്ററി വിദ്യാർഥികളുടെ അപേക്ഷകളുടെ പകർപ്പ് 18ന് വൈകീട്ട്​ അഞ്ചിനകം സർവകലാശാലയിൽ ലഭിക്കണം. എ.പി.സി ജൂൺ 22 മുതൽ 25 വരെ സമർപ്പിക്കാം.