ലോക പരിസ്ഥിതി ദിനത്തിൽ വീടുകളിലെത്തുക ഫലവൃക്ഷ തൈകളും ഔഷധസസ്യങ്ങളും

കൊടിയത്തൂർ: ലോക പരിസ്ഥിതി ദിനത്തിൽ ഗ്രാമപഞ്ചായത്തിലെ വീടുകളിലെത്തുക പഞ്ചായത്തിൽ ഉൽപാദിപ്പിച്ച ഫലവൃക്ഷ തൈകളും ഔഷധസസ്യങ്ങളും. തൊഴിലുറപ്പ് തൊഴിലാളികളുടെ നേതൃത്വത്തിൽ ഗ്രാമപഞ്ചായത്ത് ഓഫിസ് പരിസരത്ത് നട്ട 14,000 തൈകളാണ് വിതരണത്തിനൊരുങ്ങുന്നത്. സോഷ്യൽ ഫോറസ്ട്രി ഡിപ്പാർട്മെന്റ് വഴി ലഭിച്ച പേര, സീതപ്പഴം നെല്ലി, ഔഷധസസ്യങ്ങളായ ആര്യവേപ്പ്, ലക്ഷ്മി തരു, കണിക്കൊന്ന, മാതളം, മാവ്, പ്ലാവ്, ചെറുനാരങ്ങ, കറിവേപ്പില എന്നിവ വിവിധ ഘട്ടങ്ങളിലായി വിതരണം ചെയ്യുന്നുണ്ട്. പഞ്ചായത്തിലെ സ്കൂളുകളിലേക്ക് നൽകുന്നതിന് പുറമെ, കൃഷി വകുപ്പ്, വിവിധ ക്ലബ്ബുകൾ, റസിഡൻസ് അസോസിയേഷനുകൾ എന്നിവരുടെ സഹകരണത്തോടെ ആവശ്യക്കാർക്ക് തൈകൾ എത്തിച്ചുനൽകും. ഹരിതകർമസേനയെ ഉപയോഗപ്പെടുത്തി പച്ചത്തുരുത്ത് നിർമാണത്തിനും പദ്ധതി ആവിഷ്കരിച്ചതായി ഗ്രാമപഞ്ചായത്ത് പ്രസിഡന്റ് ഷംലൂലത്ത് പറഞ്ഞു. പഞ്ചായത്തിൽ ജൈവ വൈവിധ്യ ഉദ്യാനങ്ങൾ ഒരുക്കുകയെന്ന ലക്ഷ്യവും പദ്ധതിയുടെ ഭാഗമായുണ്ട്. Kdr 4 വിതരണത്തിനായി കൊടിയത്തൂർ പഞ്ചായത്ത് തയാറാക്കിയ വൃക്ഷത്തൈകൾ