തൃക്കാക്കര വിജയം; നാടെങ്ങും യു.ഡി.എഫ് ആഹ്ലാദം

മേപ്പയ്യൂർ: തൃക്കാക്കരയിൽ നേടിയ തകർപ്പൻ വിജയം നാടെങ്ങും യു.ഡി.എഫ് പ്രവർത്തകർ മതിമറന്ന് ആഘോഷിക്കുകയാണ്. ഡി. ജെ പാർട്ടി ഉൾപ്പെടെയുള്ള ആഘോഷങ്ങളാണ് പലയിടങ്ങളിലും നടന്നത്. മേപ്പയ്യൂർ പഞ്ചായത്ത് യു.ഡി.എഫ് കമ്മിറ്റി ആഭിമുഖ്യത്തിൽ മേപ്പയ്യൂർ ടൗണിൽ ആഹ്ലാദ പ്രകടനം നടത്തി. പ്രകടനത്തോടനുബന്ധിച്ച് നടന്ന അനുമോദന യോഗം ഡി.സി.സി ജനറൽ സെക്രട്ടറി ഇ. അശോകൻ ഉദ്ഘാടനം ചെയ്തു. ചെയർമാൻ കെ.പി. രാമചന്ദ്രൻ അധ്യക്ഷത വഹിച്ചു. എം.കെ. അബ്ദുറഹിമാൻ, കെ.പി. വേണുഗോപാൽ, എം.എം. അഷറഫ്, കെ. എം.എ. അസീസ്, ഷബീർ ജന്നത്ത് എന്നിവർ സംസാരിച്ചു. പ്രകടനത്തിന് സി.എം. ബാബു, വി. മുജീബ്, ആന്തേരി ഗോപാലകൃഷ്ണൻ കെ.പി. കുഞ്ഞബ്ദുള്ള, ഇസ്മായിൽ കീഴ്പോട്ട്, ഷർമിന കോമത്ത്, അഷീദ നടുക്കാട്ടിൽ, ശ്രീനിലയം വിജയൻ, സറീന ഒളോറ, രാജേഷ് കൂനിയത്ത്, റിൻജു രാജ് എടവന, കെ. ലബീബ് അഷറഫ് എന്നിവർ നേതൃത്വം നൽകി. പേരാമ്പ്രയിൽ നടത്തിയ ആഹ്ലാദ പ്രകടനത്തിന് രാജൻ മരുതേരി, സി.പി.എ. അസീസ്, പി.കെ. രാഗേഷ്, എസ്.കെ. അസൈനാർ, പി.എസ്. സുനിൽകുമാർ എന്നിവർ നേതൃത്വം നൽകി. Photo: തൃക്കാക്കര ഉപതെരഞ്ഞെടുപ്പിലെ വിജയത്തിൽ ആഹ്ലാദം പ്രകടിപ്പിച്ച് യു.ഡി.എഫ് കമ്മിറ്റി പേരാമ്പ്രയിൽ നടത്തിയ പ്രകടനം