സിവിൽ സർവിസ്​ തിളക്കത്തിൽ മലപ്പുറത്തിന് അഭിമാനമായി ആഷിഫ്

മലപ്പുറം: ഈ വർഷത്തെ സിവിൽ സർവീസ്​ പരീക്ഷയിൽ അഭിമാന നേട്ടവുമായി 464ാം റാങ്ക് നേടി ആഷിഫ് അണക്കോരത്ത്. കൊച്ചി ശാസ്​ത്ര സാങ്കേതിക സർവകലാശാലയിൽ നിന്ന് നേവൽ ആർക്കിടെക്ചർ ആൻഡ് ഷിപ് ബിൽഡിങ്ങിൽ ബി.ടെക് ബിരുദവും, ബാംഗ്ലൂർ ഐ.ഐ.എമ്മിൽ നിന്ന് എം.ബി.എയും എടുത്ത ശേഷമാണ് ആഷിഫ് സിവിൽ സർവിസിലെത്തുന്നത്. ഐ.ആർ.എസ്​ സർവിസിൽ ഡയറക്ടറേറ്റ് ജനറൽ ഓഫ് ജി.എസ്​.ടി ഇന്റലിജൻസിൽ കൊച്ചി സോണൽ യൂനിറ്റിൽ ഡെപ്യൂട്ടി ഡയറക്ടർ ആയി ജോലിചെയ്യുമ്പോഴാണ് സിവിൽ സർവിസ്​ പരീക്ഷയിൽ ആഷിഫ് വീണ്ടും അഭിമാന നേട്ടത്തിലേക്കുയർന്നത്. മലപ്പുറം വറ്റല്ലൂർ സ്വദേശി അണക്കോരത്ത് മുഹമ്മദിന്റെ മകനാണ്. വളാഞ്ചേരി എം.ഇ.എസ്​ കോളജ് മുൻ പ്രിൻസിപ്പൽ ക്യാപ്റ്റൻ ഡോ. അബ്ദുൽ ഹമീദിന്റെ മകൾ കോഴിക്കോട് മെഡിക്കൽ കോളജ് എം.ഡി പീഡിയാട്രിക്സ് ​വിഭാഗം വിദ്യാർഥിനി ഡോ. സുമയ്യയാണ് ഭാര്യ. മകൾ: ഇസ്സ സൊഹ്റ. പടം: F:-TUE-UNIVERSAL_news photo