വിരമിക്കാനിരിക്കെ ജി.എസ്.ടി ഉദ്യോഗസ്ഥന്‍ തൂങ്ങിമരിച്ച നിലയില്‍

MONWDD5 Nobert മാനന്തവാടി: ചൊവ്വാഴ്ച വിരമിക്കാനിരിക്കെ ജി.എസ്.ടി ഉദ്യോഗസ്ഥനെ തൂങ്ങിമരിച്ച നിലയിൽ കണ്ടെത്തി. അസിസ്റ്റൻറ് സെയിൽസ് ടാക്സ് ഓഫിസർ കൊല്ലം നോബിൾ ഹൗസിൽ നോർബർട്ടിനെയാണ് (56) എടവക താന്നിയാട് റിട്ട. വില്ലേജ് അസിസ്റ്റന്‍റ്​ അജയ് സിറിലിന്‍റെ വീട്ടിൽ തൂങ്ങിമരിച്ച നിലയിൽ കണ്ടെത്തിയത്. എടവക താനിയാട് സുഹൃത്തിന്‍റെ വീട്ടിൽ ശനിയാഴ്ച താമസിക്കാനെത്തിയതായിരുന്നു നോർബർട്ട്. തിങ്കളാഴ്ച രാവിലെ കാണാത്തതിനാൽ തിരക്കിയെത്തിയപ്പോഴാണ് തൂങ്ങിമരിച്ച നിലയിൽ കണ്ടത്. വയനാട് ഗവ. മെഡിക്കൽ കോളജ്​ ആശുപത്രിയിൽ പോസ്റ്റ്മോർട്ടത്തിനുശേഷം മൃതദേഹം നാട്ടിലേക്ക് കൊണ്ടുപോയി.