മലർവാടി ബാലോത്സവം

കുന്ദമംഗലം: 'ഒരുമയുടെ പുഞ്ചിരി' എന്ന തലക്കെട്ടിൽ മലർവാടി ബാലസംഘം ആനപ്പാറ- വരട്ട്യാക്ക് യൂനിറ്റുകളുടെ സംയുക്താഭിമുഖ്യത്തിൽ കുന്ദമംഗലം നടുവിലശ്ശേരിയിൽ ബാലോത്സവം നടത്തി. എം.പി. അബൂബക്കർ ഉദ്ഘാടനം ചെയ്തു. റുബീന അധ്യക്ഷത വഹിച്ചു. കുട്ടികളുടെ കലാ - കായിക പരിപാടികൾ അരങ്ങേറി. റഹീമ ഷിറിൻ സ്വാഗതവും ജസീല നന്ദിയും പറഞ്ഞു. എം.പി. ഫാസിൽ, ഹാഷദ് അമാൻ, ഹൈറുന്നിസ, എൻ.സുഹറ, എൻ.ഷാനിദ, ബുഷറ എന്നിവർ നേതൃത്വം നൽകി.