കെ.എസ്​.ആർ.ടി.സി: നാളെ റി​പ്പോർട്ട് നൽകും

കോഴിക്കോട്: കെ.എസ്​.ആർ.ടി.സി സ്റ്റാൻഡിൽ കെ-സ്വിഫ്റ്റ് ബസ് കുടുങ്ങിയ സംഭവത്തിൽ കെ.എസ്.ആർ.ടി.സി റീജനൽ ട്രാൻസ്പോർട്ട് ഓഫിസർ സി.എം.ഡിക്ക്​ തിങ്കളാഴ്ച റിപ്പോർട്ട് നൽകും. ഡ്രൈവർക്ക്​ വീഴ്ചയുണ്ടായെങ്കിലും അത്​ ബോധപൂർവമല്ലെന്നാണ്​ കണ്ടെത്തലെന്നാണ്​ വിവരം. ​ട്രാക്കിന്‍റെ വീതിക്കുറവും സൗകര്യമില്ലായ്മയും ബസ്​ കുടുങ്ങാൻ കാരണമാണ്​. ബസ് കുടുങ്ങാനുള്ള കാരണം ഡ്രൈവറുടെ അശ്രദ്ധയാണോ മറ്റെന്തെങ്കിലുമാണോ എന്ന് ആറു​ ദിവസത്തിനകം റിപ്പോർട്ട് സമർപ്പിക്കാനാണ് ഡി.ടി.ഒയോട്​ ആവശ്യപ്പെട്ടത്.