നിരവധി ​മോഷണക്കേസിലെ പ്രതി ​ അറസ്റ്റിൽ

എലത്തൂർ: ഇലക്ട്രിക് ഉപകരണങ്ങൾ ഉൾപ്പെടെയുള്ള സാധനങ്ങൾ മോഷണം നടത്തിയ യുവാവിനെ പൊലീസ് അറസ്റ്റ് ചെയ്തു. തൊണ്ടയാട് നെല്ലിക്കോട്​ കാട്ടുകുളങ്ങര പറയരുകണ്ടിൽ അനീഷിനെയാണ് (35) എലത്തൂർ പൊലീസ്​ അറസ്റ്റ്​ ചെയ്തത്​. പുതിയങ്ങാടിയിലെ ഇലക്ട്രിക്കൽ സാധനങ്ങൾ വിൽക്കുന്ന കടയിൽനിന്ന് ​ഈ മാസം 13ന്​ മോഷണം നടത്തിയത്​. മോഷണം നടന്ന വിവരം 18നാണ്​ കടയുടമ അറിയുന്നത്​. പകൽ കടയിൽ കയറി മോഷണ വസ്തുക്കളെല്ലാം കെട്ടിവെച്ച് പുതിയങ്ങാടി ഓട്ടോ സ്റ്റാൻഡിൽനിന്നും ഓട്ടോ വിളിച്ച് സാധനങ്ങൾ കയറ്റി കൊണ്ടുപോകുകയായിരുന്നു. കടയിലെ സി.സി.ടി.വി ദൃശ്യത്തിൽനിന്ന് ആളെ തിരിച്ചറിഞ്ഞ പൊലീസ്​​ ഇൻസ്​പെക്ടർ എ. സായൂജ്​ കുമാർ, എസ്​.ഐ കെ.ആർ. രാഗേഷ്​ എന്നിവർ ചേർന്ന്​ ഇയാളെ വീട്ടിൽനിന്ന്​ അറസ്റ്റു ചെയ്യുകയായിരുന്നു. നടക്കാവ് പൊലീസ് സ്റ്റേഷനിൽ പ്രതിയുടെ പേരിൽ നാലു കേസ് നിലവിലുണ്ട്. മോഷണത്തിന് കയറുന്ന സ്ഥലത്ത് മല മൂത്രവിസർജനം ചെയ്യുന്നത് പ്രതിയുടെ സ്ഥിരം സ്വഭാവമാണ്.