സ്കൂൾ വാഹന പരിശോധന നടത്തി

കോഴിക്കോട്​: സ്കൂൾ പ്രവേശനത്തിന്​ മുന്നോടിയായി മോട്ടോർ വാഹന വകുപ്പ് വാഹന പരിശോധന നടത്തി. ഉത്തര മേഖല ഡി.ജി.പിയുടെ നിർദേശപ്രകാരം ആർ.ടി.ഒയുടെ നേതൃത്വത്തിലാണ്​ എൻഫോഴ്സ്മെന്റ്​ വിങ്ങും ആർ.ടി.ഒ ഓഫിസ് ഉദ്യോഗസ്ഥരും വിവിധ സ്കൂളുകളിൽ എത്തി വാഹന പരിശോധന നടത്തിയത്​. ചില വാഹനങ്ങളിൽ ന്യൂനത കണ്ടെത്തിയതിനാൽ ഫിറ്റ്​നസ്​ എടുക്കാൻ നിർദേശം നൽകി. വരുംദിവസങ്ങളിലും പരിശോധന തുടരും. ടി. പ്രഭിൻ, റിനുരാജ്​, വി.എസ്​. സജിത്ത്​, ഷൈജൻ, സിബി, ശുക്കൂർ, രഘുനാഥ്​, സുനിൽകുമാർ എന്നിവർ പരിശോധനക്ക്​ നേതൃത്വം നൽകി.