പോക്സോ കേസിൽ അധ്യാപകൻ അറസ്റ്റിൽ

പേരാമ്പ്ര: എസ്.എസ്.എൽ.സി ഐ.ടി പ്രാക്ടിക്കൽ പരീക്ഷ ഹാളിൽ വിദ്യാർഥിനികളെ ലൈംഗിക ഉദ്ദേശ്യത്തോടെ സ്പർശിച്ച കേസിൽ അറസ്റ്റിലായ അധ്യാപകൻ റിമാൻഡിൽ. അവിടനല്ലൂർ ഗവ. ഹയർ സെക്കൻഡറി സ്കൂൾ ഹൈസ്കൂൾ വിഭാഗം അധ്യാപകൻ അവറാട്ട് മുക്കിലെ പ്രമോദി(44)നെയാണ് പേരാമ്പ്ര പൊലീസ് അറസ്റ്റ് ചെയ്തത്. മേയ് അഞ്ചിനാണ് കേസിനാസ്പദ സംഭവം. ഇയാൾക്ക് കായണ്ണ ഗവ. ഹയർ സെക്കൻഡറി സ്കൂളിലാണ് പരീക്ഷ ഡ്യൂട്ടി ഉണ്ടായിരുന്നത്. ഈ സ്കൂളിലെ മൂന്ന് കുട്ടികളാണ് പരാതി നൽകിയത്.