ജനജാഗ്രത സദസ്സ്

മാവൂർ: ജനമൈത്രി പൊലീസിന്റെ നേതൃത്വത്തിൽ കായലം ഭൂദാനം കോളനിയിൽ സംഘടിപ്പിച്ചു. പെരുവയൽ ഗ്രാമപഞ്ചായത്ത് പ്രസിഡൻറ് എം.കെ. സുഹറാബി ഉദ്ഘാടനം ചെയ്തു. കളഞ്ഞു കിട്ടിയ സ്വർണം ഉടമസ്ഥനെ തിരിച്ചേൽപിച്ച് മാതൃക തീർത്ത ശ്രീക്കുട്ടനെ ചടങ്ങിൽ മാവൂർ പൊലീസ് ഇൻസ്പെക്ടർ കെ. വിനോദൻ ഉപഹാരം നൽകി ആദരിച്ചു. ജില്ല ചൈൽഡ് പ്രൊട്ടക്ഷൻ ഓഫിസർ പാർവതിഭായി സ്ത്രീകൾക്കും കുട്ടികൾക്കും ക്ലാസെടുത്തു. ജനമൈത്രി ബീറ്റ് ഓഫിസർ രാജേഷ് ബോധവത്കരണ ക്ലാസെടുത്തു. ജില്ല സെൽഫ് ഡിഫൻസ് ടീമിന്റെ പരിശീലനവും നടന്നു. വാർഡ് മെംബർ സുബിത തോട്ടാഞ്ചേരി അധ്യക്ഷത വഹിച്ചു. ഷൈജു സ്വാഗതവും ജനമൈത്രി ബീറ്റ് ഓഫിസർ വിനീത നന്ദിയും പറഞ്ഞു.