വിദ്യാർഥിനിക്ക്​ ചെള്ളുപനി; പ്രതിരോധപ്രവർത്തനങ്ങൾ ഊർജിതമാക്കി

എലത്തൂർ: പത്തുവയസ്സുകാരിക്ക്​ ചെള്ളുപനി സ്ഥിരീകരിച്ചതിനെ തുടർന്ന് ആരോഗ്യവകുപ്പ്​ പ്രതിരോധ പ്രവർത്തനങ്ങൾ ഊർജിതമാക്കി.​ ചെട്ടികുളം കാഞ്ഞൂരി ക്ഷേത്രത്തിനു സമീപത്തെ 10 വയസ്സുകാരിക്ക് ചെള്ളുപനി ബുധനാഴ്ച സ്ഥിരീകരിച്ചതിനെ തുടർന്നാണ്​ സമീപത്തെ കുറ്റിക്കാടുകൾ ഉൾപ്പെടെ വെട്ടിത്തെളിച്ച്​ ശുചീകരിച്ചത്​. രോഗത്തിന്‍റെ ഉറവിടം കണ്ടെത്താനുള്ള ശ്രമത്തിലാണ്​ ആരോഗ്യവകുപ്പ്​. മൂന്നാം വാർഡിലെ കുട്ടിക്ക്​ കുറച്ച്​ മുമ്പ്​ ചെള്ളുപനി പിടിപെട്ടിരുന്നതായും സംശയമുണ്ട്​.