സ്കോളർഷിപ് ജേതാവിനെ ആദരിച്ചു 

പയ്യോളി: ദേശീയ സ്കോളർഷിപ് പദ്ധതിയായ എൻ.എം.എം.എസിന് (നാഷനൽ മീൻസ് കം മെറിറ്റ്) അർഹയായ ടി.പി. ഹയ ഖലീലിനെ പയ്യോളി മണ്ഡലം വിസ്ഡം സ്റ്റുഡന്റ്സിന്റെ ആഭിമുഖ്യത്തിൽ ആദരിച്ചു. നൊച്ചാട് ഹയർ സെക്കൻഡറി സ്കൂൾ ഒമ്പതാം തരം വിദ്യാർഥിനിയായ ഹയ ഖുർആൻ കാലിഗ്രഫിയിൽ മികവ് പുലർത്തിയിട്ടുണ്ട്. എ.കെ. അബ്ദുറഹ്മാൻ ജേതാവിന് ഉപഹാരം കൈമാറി. മണ്ഡലം വിസ്‌ഡം ഓർഗനൈസേഷൻ പ്രസിഡന്റ് ടി.പി. അബ്ദുൽ അസീസ്, യാസിർ, ടി.പി. ഫാരിസ്‌ മുഹമ്മദ്, സൈഫുല്ല അബൂബക്കർ എന്നിവർ സംസാരിച്ചു. ------ photo: എൻ.എം.എം.എസ് സ്കോളർഷിപ്പിന് അർഹയായ ടി.പി. ഹയ ഖലീലിനെ പയ്യോളി മണ്ഡലം വിസ്ഡം സ്റ്റുഡന്റ്സിന്റെ ആഭിമുഖ്യത്തിൽ ആദരിക്കുന്നു