രതീഷിന് മികച്ച നടനുള്ള പുരസ്കാരം

പയ്യോളി: കോവിഡിനെ ആസ്പദമാക്കി ചിത്രീകരിച്ച ഹ്രസ്വചിത്രമായ 'മരണക്കളി'യിലെ അഭിനയത്തിന് മികച്ച നടനുള്ള പുരസ്കാരത്തിന് തുറയൂർ സ്വദേശിയായ കെ.ടി. രതീഷ് അർഹനായി. മീഡിയ സിറ്റി ഇന്റർനാഷനലിന്റെ ആഭിമുഖ്യത്തിൽ 2021-22 വർഷത്തെ ഷോർട്ട് ഫിലിം ഡോക്യുമെന്ററി ഫെസ്റ്റിവലിലാണ് മികച്ച നടനായി രതീഷിനെ തിരഞ്ഞെടുത്തത്. കോവിഡ് ബാധിതനായി ദിവസങ്ങളോളം മുറിയിൽ തളച്ചിടപ്പെട്ടവന്റെ മാനസികപിരിമുറുക്കവും ആശങ്കയും തന്മയത്വത്തോടെ അവതരിപ്പിച്ച അഭിനയമികവാണ് രതീഷിനെ അവാർഡിനർഹനാക്കിയത്. രജീഷ് കെ. സൂര്യയാണ് ചിത്രത്തിന്റെ കഥയും സംവിധാനവും നിർവഹിച്ചത്. മേയ് 20ന് തിരുവനന്തപുരം അംബ ഓഡിറ്റോറിയത്തിൽ നടക്കുന്ന പരിപാടിയിൽ പുരസ്കാരം ഏറ്റുവാങ്ങുമെന്ന് കലാസാംസ്കാരിക പ്രവർത്തകനും പാലിയേറ്റിവ് രംഗത്തെ സജീവസാന്നിധ്യവുമായ രതീഷ് പറഞ്ഞു. ----------- കെ.ടി. രതീഷ്