സുപ്രീംകോടതി നടപടി സ്വാഗതാർഹം -ശ്രേയാംസ് കുമാർ

കോഴിക്കോട്​: ഒന്നര നൂറ്റാണ്ട്​ പഴക്കമുള്ള രാജ്യ​ദ്രോഹക്കുറ്റ നിയമം മരവിപ്പിച്ച സുപ്രീംകോടതി നടപടി സ്വാഗതാർഹമാണെന്ന്​ എൽ.ജെ.ഡി സംസ്ഥാന പ്രസിഡന്‍റ്​ എം.വി. ശ്രേയാംസ്കുമാർ അഭിപ്രായപ്പെട്ടു. ഈ നിയമത്തിന്‍റെ അടിസ്ഥാനത്തിൽ പുതിയ എഫ്​.ഐ.ആറുകൾ ചുമത്തരുതെന്ന നിർദേശം പൗരാവകാശങ്ങൾ സംരക്ഷിക്കുന്നതിൽ പ്രധാന ചുവടുവെപ്പാണ്​ എന്നും അദ്ദേഹം പ്രസ്താവനയിൽ പറഞ്ഞു.