മദ്യലഹരിയിൽ യുവാക്കൾ ഏറ്റുമുട്ടി; വൃദ്ധയടക്കം രണ്ടുപേർക്ക് വെട്ടേറ്റു

വൈ​ക്കം: മ​ദ്യ​ല​ഹ​രി​യി​ൽ യു​വാ​ക്ക​ൾ ഏ​റ്റു​മു​ട്ടി; ത​ട​സ്സം പി​ടി​ക്കാ​നെ​ത്തി​യ വൃദ്ധയടക്കം ര​ണ്ടു​​പേ​ർ​ക്ക്​ വെ​ട്ടേ​റ്റു. നേ​രേ​ക​ട​വ് വ​ട്ട​ത്ത​റ​യി​ൽ ഗോ​പേ​ഷ് (38), നേ​രേ​ക​ട​വ് പു​ത്ത​ൻ​ത​റ​യി​ൽ ഭാ​മ (64) എ​ന്നി​വ​ർ​ക്കാ​ണ് പ​രി​ക്കേ​റ്റ​ത്. ആ​ക്ര​മ​ണ​വു​മാ​യി ബ​ന്ധ​പ്പെ​ട്ട് നേ​രേ​ക​ട​വ് പു​ത്ത​ൻ​ത​റ​യി​ൽ സ​തീ​ശ​നെ(42) വൈ​ക്കം പൊ​ലീ​സ് അ​റ​സ്റ്റ്​ ചെ​യ്തു.

കൈ​ക്കും ക​ഴു​ത്തി​നും പ​രി​ക്കേ​റ്റ ഗോ​പേ​ഷി​നെ​യും കൈ​ക്ക് ഗു​രു​ത​ര പ​രി​ക്കേ​റ്റ സ​തീ​ശ​ന്‍റെ മാ​താ​വ്​ ഭാ​മ​യെ​യും വൈ​ക്കം താ​ലൂ​ക്ക് ആ​ശു​പ​ത്രി​യി​ൽ പ്ര​ഥ​മ ശു​ശ്രൂ​ഷ​ക്ക്​ ശേ​ഷം വി​ദ​ഗ്ധ ചി​കി​ത്സ​ക്കാ​യി കോ​ട്ട​യം മെ​ഡി​ക്ക​ൽ കോ​ള​ജി​ലേ​ക്ക്​ മാ​റ്റി. ഞാ​യ​റാ​ഴ്ച ഉ​ച്ച​ക്ക്​ 12.30ഓ​ടെ നേ​രേ​ക​ട​വ് കാ​യ​ലോ​ര​ത്തെ ഫി​ഷ് ലാ​ൻ​ഡി​ങ്​ സെ​ന്റ​റി​നു സ​മീ​പ​ത്താ​യി​രു​ന്നു സം​ഭ​വം.

സ​തീ​ശ​ൻ ക​ക്കാ​വാ​ര​ൽ തൊ​ഴി​ലാ​ളി​യാ​ണ്. സ​തീ​ശ​ന്‍റെ സൈ​ക്കി​ളി​ലെ ഹോ​ണി​ൽ ഗോ​പേ​ഷ് പി​ടി​ച്ച് അ​മ​ർ​ത്തി​യ​തി​നെ ചൊ​ല്ലി ഇ​രു​വ​രും ത​മ്മി​ലു​ണ്ടാ​യ ത​ർ​ക്ക​മാ​ണ് ആ​ക്ര​മ​ണ​ത്തി​ൽ ക​ലാ​ശി​ച്ച​ത്. വൈ​ക്കം പൊ​ലീ​സ് ആ​ക്ര​മ​ണ​ത്തി​നു​പ​യോ​ഗി​ച്ച അ​രി​വാ​ൾ ക​ണ്ടെ​ടു​ത്തു.