കാ​പ്പ നി​യ​മം ലം​ഘി​ച്ച പ്ര​തി അ​റ​സ്റ്റി​ൽ

ഏ​റ്റു​മാ​നൂ​ര്‍: കാ​പ്പ നി​യ​മ​പ്ര​കാ​രം നാ​ടു​ക​ട​ത്ത​പ്പെ​ട്ട പ്ര​തി​യെ നി​യ​മം ലം​ഘി​ച്ച​തി​നെ​ത്തു​ട​ർ​ന്ന് പൊ​ലീ​സ് അ​റ​സ്റ്റ് ചെ​യ്തു. കാ​ണ​ക്കാ​രി മാ​വേ​ലി​ന​ഗ​ര്‍ വ​ലി​യ​ത​ട​ത്തി​ൽ വീ​ട്ടി​ൽ മെ​ല്‍ബി​ന്‍ ജോ​സ​ഫി​നെ​യാ​ണ് (26) ഏ​റ്റു​മാ​നൂ​ര്‍ പൊ​ലീ​സ് അ​റ​സ്റ്റ് ചെ​യ്ത​ത്. കൊ​ല​പാ​ത​ക​ശ്ര​മം, അ​ടി​പി​ടി, ക​വ​ർ​ച്ച തു​ട​ങ്ങി​യ നി​ര​വ​ധി ക്രി​മി​ന​ൽ കേ​സി​ൽ പ്ര​തി​യാ​യ ഇ​യാ​ളെ ജി​ല്ല പൊ​ലീ​സ് മേ​ധാ​വി കെ. ​കാ​ർ​ത്തി​ക്കി​ന്‍റെ റി​പ്പോ​ർ​ട്ടി​ന്‍റെ അ​ടി​സ്ഥാ​ന​ത്തി​ൽ കാ​പ്പ നി​യ​മ​പ്ര​കാ​രം നാ​ടു​ക​ട​ത്തി​യി​രു​ന്നു. എ​ന്നാ​ൽ, ഇ​യാ​ൾ നി​യ​മം ലം​ഘി​ച്ച് കോ​ട്ട​യ​ത്ത് എ​ത്തി​യി​ട്ടു​ണ്ടെ​ന്ന് ല​ഭി​ച്ച ര​ഹ​സ്യ വി​വ​ര​ത്തെ​തു​ട​ർ​ന്ന് ഏ​റ്റു​മാ​നൂ​ര്‍ പൊ​ലീ​സ് അ​റ​സ്റ്റ് ചെ​യ്യു​ക​യാ​യി​രു​ന്നു.

ഏ​റ്റു​മാ​നൂ​ര്‍ എ​സ്.​എ​ച്ച്.​ഒ പ്ര​സാ​ദ്‌, അ​ബ്ര​ഹാം വ​ര്‍ഗീ​സ്, എ​സ്.​ഐ പ്ര​ശോ​ഭ്, സി.​പി.​ഒ​മാ​രാ​യ പ്ര​വീ​ൺ പി. ​നാ​യ​ർ, ര​തീ​ഷ്, സ്മി​തേ​ഷ്, ര​ഞ്ജി​ത്, നി​താ​ന്ത്, ബോ​ബി സ്റ്റീ​ഫ​ൻ എ​ന്നി​വ​ർ ചേ​ർ​ന്നാ​ണ് ഇ​യാ​ളെ പി​ടി​കൂ​ടി​യ​ത്.

തിയറ്ററിൽ ജീവനക്കാരിക്കുനേരെ കൈയേറ്റ ശ്രമം: മൂന്നുപേർ അറസ്റ്റിൽ

മു​ണ്ട​ക്ക​യം: സി​നി​മ തി​യ​റ്റ​റി​ലെ ജീ​വ​ന​ക്കാ​രി​യാ​യ യു​വ​തി​യെ കൈ​യേ​റ്റം ചെ​യ്യാ​ൻ ശ്ര​മി​ച്ച കേ​സി​ൽ മൂ​ന്നു​പേ​രെ അ​റ​സ്റ്റ് ചെ​യ്തു. എ​രു​മേ​ലി ആ​ന​ക്ക​ല്ല് അ​റ​ക്ക​ൽ വീ​ട്ടി​ൽ എ.​എ. അ​നീ​സ് (34), എ​രു​മേ​ലി ച​ര​ള ഭാ​ഗ​ത്ത് വ​ലി​യ​പ​റ​മ്പി​ൽ വി.​ജെ. ഷെ​ഫീ​ഖ് (36), പ്രൊ​പ്പോ​സ് ഭാ​ഗ​ത്ത് ആ​ന​ക്ക​ല്ല് വീ​ട്ടി​ൽ എ.​ഷാ​ന​വാ​സ് (41) എ​ന്നി​വ​രെ​യാ​ണ് മു​ണ്ട​ക്ക​യം പൊ​ലീ​സ് അ​റ​സ്റ്റ് ചെ​യ്ത​ത്.

മു​ണ്ട​ക്ക​യ​ത്തെ തി​യ​റ്റ​റി​ൽ സി​നി​മ കാ​ണാ​നെ​ത്തി​യ​വ​ർ ഉ​ച്ച​ത്തി​ൽ ചീ​ത്ത​വി​ളി​ക്കു​ക​യും കാ​ഴ്ച​ക്കാ​ർ​ക്ക് ശ​ല്യം ഉ​ണ്ടാ​ക്കു​ക​യും ചെ​യ്ത​ത്​ ചോ​ദ്യം ചെ​യ്ത​താ​ണ്​ ജീ​വ​ന​ക്കാ​രി​ക്കു​നേ​രെ തി​രി​യാ​ൻ കാ​ര​ണ​മെ​ന്ന്​ പ​രാ​തി​യി​ൽ പ​റ​യു​ന്നു. തി​യ​റ്റ​റി​ൽ ജോ​ലി​യി​ൽ ഉ​ണ്ടാ​യി​രു​ന്ന ര​ണ്ട് ജോ​ലി​ക്കാ​രെ​യും ഇ​വ​ർ ആ​ക്ര​മി​ച്ചെ​ന്നും പ​രാ​തി​യു​ണ്ട്.

മു​ണ്ട​ക്ക​യം എ​സ്.​എ​ച്ച്.​ഒ ഷൈ​ൻ​കു​മാ​ർ, എ​സ്.​ഐ വി​ക്ര​മ​ൻ നാ​യ​ർ, എ.​എ​സ്.​ഐ മ​നോ​ജ് കെ.​ജി, ജോ​ഷി പി.​കെ, സി.​പി.​ഒ​മാ​രാ​യ ര​ഞ്ജി​ത് ടി.​എ​സ്, ശ​ര​ത്ച​ന്ദ്ര​ൻ, ജ​യ​ലാ​ൽ പി.​എം എ​ന്നി​വ​ർ ചേ​ർ​ന്നാ​ണ് ഇ​വ​രെ അ​റ​സ്റ്റ് ചെ​യ്ത​ത്. കോ​ട​തി​യി​ൽ ഹാ​ജ​രാ​ക്കി​യ ഇ​വ​രെ റി​മാ​ൻ​ഡ് ചെ​യ്തു.