എച്ച്​.എൻ.എൽ ടെൻഡറിൽ അട്ടിമറിയെന്ന്​ തൊഴിലാളികൾ

കോട്ടയം: കേന്ദ്രപൊതുമേഖല സ്ഥാപനമായ എച്ച്​.എൻ.എൽ. ടെൻഡറിൽ അട്ടിമറി ആരോപിച്ച്​ തൊഴിലാളികൾ. ടെൻഡർ സമർപ്പിക്കേണ്ട അവസാന സമയം വരെ സർക്കാറിനുവേണ്ടി കിൻഫ്ര മാത്രമാണ്​ ടെൻഡർ നൽകിയിരുന്നത്​. എന്നാൽ, പിന്നീട്​ സ്വകാര്യകമ്പനികൂടി ടെൻഡർ നൽകിയതായി തൊഴിലാളി നേതാക്കളെ അറിയിക്കുകയായിരുന്നു. ഇക്കാര്യത്തിൽ വ്യക്തത ആവശ്യപ്പെട്ട്​ കിൻഫ്രയും എച്ച്​.എൻ.എല്ലിലെ ട്രേഡ്​ യൂനിയനുകളും ​െറസല്യൂഷൻ പ്രഫഷനലിനും ക്രെഡിറ്റേഴ്​സ്​ കമ്മിറ്റിക്കും കത്തയച്ചു. ആഗസ്​റ്റ്​ 25​ ആയിരുന്നു ടെൻഡർ സമർപ്പിക്കാനുള്ള അവസാന ദിവസം. കോവിഡ്​ കാലത്തെ ബുദ്ധിമുട്ടുകൾ കണക്കിലെടുത്ത്​ ഇത്​ ഈ മാസം ഏഴുവരെ നീട്ടികൊടുത്തു.

ഏഴിന്​ 3.20നാണ്​ കിൻഫ്ര ടെൻഡർ സമർപ്പിച്ചത്​. വൈകീട്ട്​ 5.15ഓടെ കിൻഫ്ര മാത്രമേ ടെൻഡറിൽ ഉള്ളൂവെന്ന്​​ അറിയിച്ചതായി തൊഴിലാളി നേതാക്കൾ പറയുന്നു. പിറ്റേദിവസം രാവിലെ 10.30ന്​ തുടർപ്രവർത്തനങ്ങൾ ആരായാൻ വിളിച്ചപ്പോഴാണ്​ സൺ പേപ്പർ കമ്പനികൂടി ടെൻഡറിൽ പ​ങ്കെടുത്തതായി അറിയിച്ചത്​. കമ്പനി സംസ്ഥാന സർക്കാറിന്​ ലഭിക്കുന്നതിനെതിരെ ചരടുവലി നടന്നതായാണ്​ തൊഴിലാളികളുടെ ആരോപണം.