സ്ത്രീസൗഹൃദ ടൂറിസം: നേട്ടംകൊയ്ത്​ കുമരകം

കോ​ട്ട​യം: സ്ത്രീ​സൗ​ഹൃ​ദ ടൂ​റി​സ​ത്തി​ന്‍റെ​യും ഡെ​സ്റ്റി​നേ​ഷ​ൻ വെ​ഡ്ഡി​ങ്ങി​ന്‍റെ​യും ലോ​ക​ത്തി​ലെ​ത​ന്നെ പ്രി​യ​ങ്ക​ര സ്​​പോ​ട്ടാ​യി നേ​ട്ടം​കൊ​യ്ത് കു​മ​ര​കം. നി​ര​വ​ധി വ​നി​ത സം​ഘ​ങ്ങ​ളാ​ണ്​ (വി​മെ​ൻ​സ്​ ഒ​ൺ​ലി) ക​ഴി​ഞ്ഞ​വ​ർ​ഷം കു​മ​ര​ക​ത്തേ​ക്ക്​ എ​ത്തി​യ​തെ​ന്ന്​ ക​ണ​ക്കു​ക​ൾ വ്യ​ക്ത​മാ​ക്കു​ന്നു.

കു​മ​ര​ക​ത്തെ സ്ത്രീ​സൗ​ഹൃ​ദ ടൂ​റി​സം ഡെ​സ്റ്റി​നേ​ഷ​നാ​യി പ്ര​ഖ്യാ​പി​ച്ച​തോ​ടെ​യാ​ണ്​ കൂ​ടു​ത​ൽ വ​നി​ത സം​ഘ​ങ്ങ​ൾ എ​ത്തി​ത്തു​ട​ങ്ങി​യ​തെ​ന്ന്​ ടൂ​ർ ഓ​പ​റേ​റ്റ​ർ​മാ​ർ പ​റ​യു​ന്ന​ത്. ഇ​വി​ട​ത്തെ ഗ്രാ​മ​ഭം​ഗി​യും പ​ച്ച​പ്പും ബോ​ട്ട് ​യാ​ത്ര​യു​മൊ​ക്കെ​യാ​ണ്​ വ​നി​ത സ​ഞ്ചാ​രി​ക​ൾ​ക്ക് കൂ​ടു​ത​ൽ ഇ​ഷ്ടം.

ഇ​ത​ര​സം​സ്ഥാ​ന​ങ്ങ​ളി​ൽ​നി​ന്നും വി​ദേ​ശ​ത്തു​നി​ന്നു​പോ​ലും വ​നി​ത​ക​ൾ മാ​ത്ര​മു​ള്ള സം​ഘ​ങ്ങ​ൾ എ​ത്തു​ന്നു​ണ്ട്. സൈ​ക്കി​ൾ യാ​ത്ര, കാ​ൽ​ന​ട, ഇ​വി​ട​ങ്ങ​ളി​ലെ തൊ​ഴി​ൽ​രീ​തി​ക​ൾ, ഭ​ക്ഷ​ണ​പ​ദാ​ർ​ഥ​ങ്ങ​ൾ തു​ട​ങ്ങി​യ​വ ക​ണ്ട്​ മ​ന​സ്സി​ലാ​ക്കാ​നും രു​ചി​ച്ച​റി​യാ​നു​മൊ​ക്കെ​യാ​യാ​ണ്​ ഈ ​സം​ഘ​ങ്ങ​ൾ വ​രു​ന്ന​ത്. ഉ​ത്ത​ര​വാ​ദി​ത്ത ടൂ​റി​സ​ത്തി​ന്റെ ഭാ​ഗ​മാ​യി വ​നി​ത വി​നോ​ദ​സ​ഞ്ചാ​രി​ക​ൾ​ക്ക്​ വി​ല്ലേ​ജ് പാ​ക്കേ​ജ് ഒ​രു​ക്കി സ്ത്രീ​സൗ​ഹൃ​ദ വി​നോ​ദ​സ​ഞ്ചാ​രം പ്രോ​ത്സാ​ഹി​പ്പി​ക്കു​ക​യും ചെ​യ്തു. റി​സോ​ർ​ട്ടു​ക​ളി​ലും ഹോ​ട്ട​ലു​ക​ളി​ലും എ​ത്തു​ന്ന വ​നി​ത ഗ്രൂ​പ്പു​ക​ൾ ഉ​ത്ത​ര​വാ​ദി​ത്ത ടൂ​റി​സ​വു​മാ​യി ബ​ന്ധ​പ്പെ​ട്ടാ​ണ്​ യാ​ത്ര ന​ട​ത്തു​ന്ന​ത്. ഇ​വ​ർ​ക്കാ​യി പ്ര​ത്യേ​ക ഗൈ​ഡി​നെ​യും നി​യോ​ഗി​ക്കു​ന്നു​ണ്ട്.

ഡെ​സ്റ്റി​നേ​ഷ​ൻ വെ​ഡ്ഡി​ങ്ങി​ന്‍റെ കാ​ര്യ​ത്തി​ലും കു​മ​ര​കം ഏ​റെ ശ്ര​ദ്ധ​യാ​ക​ർ​ഷി​ക്കു​ക​യാ​ണ്. ലോ​കം ശ്ര​ദ്ധി​ച്ച വി​നോ​ദ​സ​ഞ്ചാ​ര​ത്തി​നൊ​പ്പം കു​മ​ര​ക​ത്തി​ന്‍റെ ഇ​ന്ന​ത്തെ മു​ഖ​ത്തി​ന് വെ​ഡ്ഡി​ങ്​ ഡെ​സ്റ്റി​നേ​ഷ​ൻ എ​ന്ന അ​ല​ങ്കാ​രം കൂ​ടി​യു​ണ്ട്. ഇ​വി​ട​ത്തെ ഭൂ​പ്ര​കൃ​തി​യു​ടെ പ്ര​ത്യേ​ക​ത​യും ഡെ​സ്റ്റി​നേ​ഷ​ൻ വെ​ഡ്ഡി​ങ്ങി​ന്​ സ​ഹാ​യ​ക​മാ​ണ്. എ​ല്ലാ സീ​സ​ണി​ലും വി​വാ​ഹം ആ​ഘോ​ഷി​ക്കാ​ൻ പ​റ്റി​യ കേ​ന്ദ്ര​മാ​യി കു​മ​ര​കം മാ​റി.

ഡെ​സ്റ്റി​നേ​ഷ​ൻ വെ​ഡ്ഡി​ങ്ങി​നാ​ണ്​ ആ​ളു​ക​ൾ എ​ത്തു​ന്ന​തെ​ങ്കി​ലും കാ​യ​ലോ​ര​ത്തു​ള്ള വി​വാ​ഹം മാ​ത്ര​മ​ല്ല പാ​ക്കേ​ജാ​യി വി​നോ​ദ​സ​ഞ്ചാ​രി​ക​ളെ ഇ​വി​ടെ എ​ത്തി​ക്കു​ന്ന രീ​തി​യി​ലേ​ക്ക്​ ഇ​വി​ടം​മാ​റി​യി​രി​ക്കു​ന്നു. അ​ത്​ കു​മ​ര​ക​ത്തി​ന്‍റെ ടൂ​റി​സം വ​രു​മാ​ന​ത്തെ​യും വ​ർ​ധി​പ്പി​ക്കു​ന്നു. വ​ട​ക്കേ ഇ​ന്ത്യ​ൻ സം​സ്ഥാ​ന​ങ്ങ​ളി​ൽ​നി​ന്നു​ള്ള​വ​രാ​ണ്​ കൂ​ടു​ത​ലും ഇ​വി​ടെ ഡെ​സ്റ്റി​നേ​ഷ​ൻ വെ​ഡ്ഡി​ങ്ങി​ന്​ എ​ത്തു​ന്ന​തെ​ന്നാ​ണ്​​ ടൂ​ർ ഓ​പ​റേ​റ്റ​ർ​മാ​രും ഹോ​ട്ട​ൽ ഉ​ട​മ​ക​ളും പ​റ​യു​ന്ന​ത്. ല​ക്ഷ​ങ്ങ​ൾ മു​ത​ൽ കോ​ടി​ക​ൾ മു​ട​ക്കി​യാ​ണ്​ ഓ​രോ വി​വാ​ഹ​വും ന​ട​ക്കു​ന്ന​ത്. അ​തി​നു​പു​റ​മെ ഗെ​റ്റ്​ ടു​ഗ​ത​ർ കേ​ന്ദ്ര​ങ്ങ​ളാ​യും കെ.​ടി.​ഡി.​സി​യു​ടെ ഉ​ൾ​പ്പെ​ടെ ഇ​വി​ട​ത്തെ ഹോ​ട്ട​ലു​ക​ൾ മാ​റി​യി​രി​ക്കു​ക​യാ​ണ്.