കോ​ട്ട​യം ജില്ലയിലെ പട്ടികവർഗ വികസന വകുപ്പ്​ ഓഫിസുകളിൽ​ വ്യാപക ക്രമക്കേട്​, കരാറുകാർക്ക്​ യഥേഷ്ടം പണം, കൃത്യമായ രേഖകളുമില്ല

കോ​ട്ട​യം: ജി​ല്ല​യി​ലെ പ​ട്ടി​ക​വ​ർ​ഗ വി​ക​സ​ന വ​കു​പ്പ്​ ഓ​ഫി​സു​ക​ൾ കേ​ന്ദ്രീ​ക​രി​ച്ച്​ വ്യാ​പ​ക ക്ര​മ​ക്കേ​ടു​ക​ൾ ന​ട​ക്കു​ന്ന​താ​യി വി​ജി​ല​ൻ​സ്​ ക​ണ്ടെ​ത്തി. ക​രാ​റു​കാ​ർ​ക്ക്​ യ​ഥേ​ഷ്ടം പ​ണം അ​നു​വ​ദി​ക്കു​ന്ന​താ​യും രേ​ഖ​ക​ളൊ​ന്നും കൃ​ത്യ​മാ​യി സൂ​ക്ഷി​ക്കു​ന്നി​ല്ലെ​ന്നും ക​ണ്ടെ​ത്തി. അ​തി​ന്​ പി​ന്നി​ൽ ക്ര​മ​ക്കേ​ടു​ണ്ടെ​ന്നും വി​ജി​ല​ൻ​സ്​ സം​ശ​യി​ക്കു​ന്നു. പ​ട്ടി​ക​വ​ർ​ഗ​ക്കാ​ർ​ക്ക് വേ​ണ്ടി ന​ട​പ്പാ​ക്കു​ന്ന ക്ഷേ​മ പ്ര​വ​ർ​ത്ത​ന​ങ്ങ​ളി​ലും വി​വി​ധ പ​ദ്ധ​തി​ക​ളി​ലും ക്ര​മ​ക്കേ​ടു​ക​ൾ ന​ട​ക്കു​ന്ന​താ​യി ല​ഭി​ച്ച ര​ഹ​സ്യ​വി​വ​ര​ത്തി​ന്റെ അ​ടി​സ്ഥാ​ന​ത്തി​ൽ ‘ഓ​പ​റേ​ഷ​ൻ വ​ന​ജ്’ എ​ന്ന പേ​രി​ൽ വി​ജി​ല​ൻ​സ്​ സം​സ്ഥാ​ന വ്യാ​പ​ക​മാ​യി ന​ട​ത്തി​യ മി​ന്ന​ൽ​പ​രി​ശോ​ധ​ന​യി​ലാ​ണ്​ ജി​ല്ല​യി​ൽ ഇ​ത്ത​ര​ത്തി​ലു​ള്ള നി​ര​വ​ധി ക്ര​മ​ക്കേ​ടു​ക​ൾ ക​ണ്ടെ​ത്തി​യ​ത്.

പ​ട്ടി​ക​വ​ർ​ഗ ജ​ന​വി​ഭാ​ഗ​ങ്ങ​ളു​ടെ ഉ​ന്ന​മ​നം ല​ക്ഷ്യം​വെ​ച്ച് വി​ഭാ​വ​നം ചെ​യ്ത പ​ല പ​ദ്ധ​തി​ക​ളു​ടെ​യും ന​ട​ത്തി​പ്പി​ൽ പ്രാ​ഥ​മി​ക​മാ​യി ക്ര​മ​ക്കേ​ട്​ ന​ട​ക്കു​ന്ന​താ​യും ക​ണ്ടെ​ത്തി. പ​ട്ടി​ക​വ​ർ​ഗ വി​ക​സ​ന പ്രോ​ജ​ക്ട്​ ഓ​ഫി​സു​ക​ൾ​വ​ഴി ന​ട​പ്പാ​ക്കു​ന്ന ചി​ല പ​ദ്ധ​തി​ക​ളി​ൽ കാ​ല​താ​മ​സം വ​രു​ത്തു​ന്ന​താ​യും ക​ണ്ടെ​ത്തി.

കാ​ഞ്ഞി​ര​പ്പ​ള്ളി പ​ട്ടി​ക​വ​ർ​ഗ വി​ക​സ​ന പ്രോ​ജ​ക്ട്​ ഓ​ഫി​സി​ൽ ന​ട​ത്തി​യ പ​രി​ശോ​ധ​ന​യി​ൽ 2017-18 സാ​മ്പ​ത്തി​ക വ​ർ​ഷം ര​ണ്ട​ര​ക്കോ​ടി ചെ​ല​വ​ഴി​ച്ച് പൂ​ർ​ത്തീ​ക​രി​ച്ച കു​ടി​വെ​ള്ള പ​ദ്ധ​തി മു​ഖേ​ന ഒ​രു ഗു​ണ​ഭോ​ക്താ​വി​നു​പോ​ലും ഇ​തു​വ​രെ കു​ടി​വെ​ള്ളം ല​ഭ്യ​മാ​ക്കി​യി​ട്ടി​ല്ലെ​ന്ന ഞെ​ട്ടി​പ്പി​ക്കു​ന്ന ക​ണ്ടെ​ത്ത​ലാ​ണ്​ ​ന​ട​ത്തി​യി​ട്ടു​ള്ള​ത്. ഇ​വി​ടെ ചി​ല പ​ദ്ധ​തി​ക​ളി​ൽ ക​രാ​ർ ഒ​പ്പി​ടു​ന്ന സ​മ​യ​ത്ത് ത​ന്നെ പ​ണം മാ​റി ക​രാ​റു​കാ​ർ​ക്ക്​ ന​ൽ​കു​ന്ന​താ​യും ക​ണ്ടെ​ത്തി. ഇ​ത്​ വ​ലി​യ ത​ട്ടി​പ്പാ​ണെ​ന്നാ​ണ്​ വി​ജി​ല​ൻ​സി​ന്‍റെ വി​ല​യി​രു​ത്ത​ൽ.

ഭ​വ​ന​പു​ന​രു​ദ്ധാ​ര​ണ പ​ദ്ധ​തി​ക്കാ​യി വൈ​ക്കം പ​ട്ടി​ക​വ​ർ​ഗ എ​ക്സ്റ്റെ​ൻ​ഷ​ൻ ഓ​ഫി​സി​ൽ ല​ഭി​ച്ച 18ഓ​ളം അ​പേ​ക്ഷ​ക​ളി​ൽ ന​ട​പ​ടി​യെ​ടു​ക്കാ​തെ സൂ​ക്ഷി​ക്കു​ന്ന​താ​യി ക​ണ്ടെ​ത്തി.

ഭ​വ​ന ന​വീ​ക​ര​ണം ഉ​ൾ​പ്പെ​ടെ കാ​ര്യ​ങ്ങ​ൾ​ക്കാ​യു​ള്ള​താ​ണ്​ ഈ ​അ​പേ​ക്ഷ​ക​ൾ. എ​ക്സ്റ്റെ​ൻ​ഷ​ൻ ഓ​ഫി​സി​ൽ ഊ​രു​കൂ​ട്ടം സ​മ​ർ​പ്പി​ക്കു​ന്ന ഗു​ണ​ഭോ​ക്തൃ പ​ട്ടി​ക​യി​ൽ ഉ​ൾ​പ്പെ​ടാ​ത്ത​വ​ർ​ക്കും വി​വി​ധ ധ​ന​സ​ഹാ​യ​ങ്ങ​ൾ ന​ൽ​കി​യി​ട്ടു​ള്ള​താ​യും വി​ജി​ല​ൻ​സ് ക​ണ്ടെ​ത്തി​യി​ട്ടു​ണ്ട്.

മേ​ലു​കാ​വ് പ​ട്ടി​ക​വ​ർ​ഗ എ​ക്സ്റ്റെ​ൻ​ഷ​ൻ ഓ​ഫി​സ്, കാ​ഞ്ഞി​ര​പ്പ​ള്ളി പ​ട്ടി​ക​വ​ർ​ഗ വി​ക​സ​ന പ്രോ​ജ​ക്​​ട്​ ഓ​ഫി​സ്​ എ​ന്നി​വി​ട​ങ്ങ​ളി​ൽ വ​ർ​ഷ​ങ്ങ​ളാ​യി ആ​ഭ്യ​ന്ത​ര ഓ​ഡി​റ്റ് ന​ട​ത്തു​ന്നി​ല്ല.

ഭ​ക്ഷ്യ​ധാ​ന്യ​ങ്ങ​ളു​ടെ വി​ത​ര​ണ​ത്തി​ൽ പാ​ലി​ക്കേ​ണ്ട മാ​ന​ദ​ണ്ഡ​ങ്ങ​ൾ പാ​ലി​ക്കാ​തെ ഒ​രേ സ്ഥാ​പ​ന​ത്തി​ൽ​നി​ന്ന്​ കൂ​ടി​യ വി​ല​യ്​​ക്ക്​ സ്ഥി​ര​മാ​യി വാ​ങ്ങി വി​ത​ര​ണം ചെ​യ്യു​ന്ന​താ​യും വി​ജി​ല​ൻ​സ് ക​ണ്ടെ​ത്തി.

ധ​ന​സ​ഹാ​യം രേ​ഖ​പ്പെ​ടു​ത്തു​ന്ന വി​വാ​ഹ, ചി​കി​ത്സ ധ​ന​സ​ഹാ​യ ര​ജി​സ്റ്റ​റു​ക​ൾ, അ​നാ​ഥ​ർ​ക്കു​ള്ള ധ​ന​സ​ഹാ​യം ന​ൽ​കു​ന്ന കൈ​ത്താ​ങ്ങ് ര​ജി​സ്റ്റ​ർ, 14 വ​യ​സ്സു​വ​രെ​യു​ള്ള കു​ട്ടി​ക​ൾ​ക്ക് നി​ർ​ബ​ന്ധി​ത പ​ഠ​ന സൗ​ക​ര്യ​ത്തി​നാ​യി യാ​ത്രാ സൗ​ക​ര്യം ഒ​രു​ക്കു​ന്ന ഗോ​ത്ര​സാ​ര​ഥി ര​ജി​സ്റ്റ​ർ, മേ​ല​ധി​കാ​രി​ക​ളു​ടെ സ​ന്ദ​ർ​ശ​ന വി​വ​ര​ങ്ങ​ൾ രേ​ഖ​പ്പെ​ടു​ത്തേ​ണ്ട ഇ​ൻ​സ്പെ​ക്ഷ​ൻ ര​ജി​സ്റ്റ​ർ, മൂ​ന്ന് മാ​സം കൂ​ടു​മ്പോ​ൾ ഊ​രു​കൂ​ട്ടം ചേ​ർ​ന്ന് തീ​രു​മാ​ന​ങ്ങ​ൾ രേ​ഖ​പ്പെ​ടു​ത്തേ​ണ്ട ഊ​രു​കൂ​ട്ടം ര​ജി​സ്റ്റ​ർ തു​ട​ങ്ങി ഓ​ഫി​സു​ക​ളി​ൽ സൂ​ക്ഷി​ക്കേ​ണ്ട പ​ല ര​ജി​സ്റ്റ​റു​ക​ളും മേ​ലു​കാ​വ്, പു​ഞ്ച​വ​യ​ൽ എ​ന്നി​വി​ട​ങ്ങ​ളി​ലെ ഓ​ഫി​സു​ക​ളി​ൽ പ​രി​പാ​ലി​ച്ച് വ​രു​ന്നി​ല്ലെ​ന്നും​ വി​ജി​ല​ൻ​സ് ക​ണ്ടെ​ത്തി.

മി​ന്ന​ൽ പ​രി​ശോ​ധ​ന​യി​ൽ ല​ഭി​ച്ച വി​വ​ര​ങ്ങ​ളു​ടെ അ​ടി​സ്ഥാ​ന​ത്തി​ൽ വ​രും ദി​വ​സ​ങ്ങ​ളി​ൽ പ​രി​ശോ​ധ​ന തു​ട​രു​മെ​ന്ന്​ വി​ജി​ല​ൻ​സ്​ വൃ​ത്ത​ങ്ങ​ൾ പ​റ​ഞ്ഞു.