ചേനപ്പാടിയിലെ പ്രകമ്പനം: റിപ്പോർട്ട് സമർപ്പിച്ചു

എ​രു​മേ​ലി: ചേ​ന​പ്പാ​ടി മേ​ഖ​ല​യി​ൽ ഭൂ​മി​ക്ക​ടി​യി​ൽ​നി​ന്നു​ണ്ടാ​യ അ​ജ്ഞാ​ത​മാ​യ ശ​ബ്ദ​വും പ്ര​ക​മ്പ​ന​വും സം​ബ​ന്ധി​ച്ച് വി​ദ​ഗ്ധ പ​ഠ​ന​ത്തി​ന് നി​യോ​ഗി​ക്ക​പ്പെ​ട്ട നാ​ഷ​ന​ൽ സെ​ന്‍റ​ർ ഫോ​ർ എ​ർ​ത്ത് സ​യ​ൻ​സ് സ്റ്റ​ഡീ​സി​ന്‍റെ (എ​ൻ.​സി.​ഇ.​എ​സ്.​എ​സ്) പ​ഠ​ന റി​പ്പോ​ർ​ട്ട് ഡ​യ​റ​ക്ട​ർ​ക്കും ക​ല​ക്ട​ർ​ക്കും സ​മ​ർ​പ്പി​ച്ചു.

വി​വി​ധ സ്ഥ​ല​ങ്ങ​ളി​ൽ ന​ട​ത്തി​യ വി​പു​ല​മാ​യ അ​ന്വേ​ഷ​ണ​ത്തി​ൽ സ്വ​കാ​ര്യ വ്യ​ക്തി​യു​ടെ വീ​ട്ടി​ലെ സി.​സി ടി.​വി കാ​മ​റ​യി​ൽ രേ​ഖ​പ്പെ​ടു​ത്തി​യ വ​ലി​യ ശ​ബ്ദ​ങ്ങ​ൾ ഒ​ഴി​കെ അ​സാ​ധാ​ര​ണ​മാ​യ ഉ​പ​രി​ത​ല സ​വി​ശേ​ഷ​ത​ക​ളൊ​ന്നും ല​ഭി​ച്ചി​ല്ലെ​ന്ന് റി​പ്പോ​ർ​ട്ടി​ൽ പ​റ​യു​ന്നു. പ്ര​ദേ​ശ​ത്തി​ന്‍റെ ഭൂ​പ്ര​കൃ​തി, മ​ണ്ണി​ന്‍റെ ക​നം, തു​റ​ന്ന കി​ണ​റു​ക​ൾ എ​ന്നി​വ സ​മ​ഗ്ര​മാ​യി പ​രി​ശോ​ധി​ച്ച​തി​ൽ മ​ണ്ണി​ടി​ച്ചി​ലി​ന് കാ​ര​ണ​മാ​യേ​ക്കാ​വു​ന്ന ച​രി​വു​ക​ളൊ​ന്നും ക​ണ്ടെ​ത്തി​യി​ല്ല.

തു​റ​ന്ന കി​ണ​റു​ക​ളി​ൽ ന​ട​ത്തി​യ പ​രി​ശോ​ധ​ന​യി​ൽ സോ​യി​ൽ പൈ​പ്പി​ങ് സാ​ധ്യ​ത​യി​ല്ലെ​ന്നാ​ണ് സൂ​ചി​പ്പി​ക്കു​ന്ന​ത്. പ്ര​ദേ​ശ​ത്ത് ഭൂ​ച​ല​ന​മോ, ഭൂ​ക​മ്പ​മോ ഉ​ണ്ടാ​യി​ട്ടി​ല്ലെ​ന്നാ​ണ് ഭൂ​ക​മ്പ സ്റ്റേ​ഷ​നു​ക​ളും സൂ​ചി​പ്പി​ക്കു​ന്നത്​. ജ​ല​നി​ര​പ്പി​ലെ ഏ​റ്റ​ക്കു​റ​ച്ചി​ലു​ക​ൾ കാ​ര​ണം നേ​രി​യ തോ​തി​ലു​ള്ള ഭൂ​ച​ല​ന​ങ്ങ​ളോ പ്ര​ക​മ്പ​ന​ങ്ങ​ളോ സം​ഭ​വി​ക്കാം. മേ​ഖ​ല​യി​ൽ​നി​ന്ന് വ​ള​രെ ദൂ​രെ​യു​ള്ള ഭൂ​ക​മ്പ സ്റ്റേ​ഷ​നു​ക​ൾ ഇ​ത് ക​ണ്ടെ​ത്തു​ക​യോ രേ​ഖ​പ്പെ​ടു​ത്തു​ക​യോ ചെ​യ്യി​ല്ല.

എ​ന്നാ​ൽ, വ​ള​രെ കു​റ​ഞ്ഞ തോ​തി​ലു​ള്ള പ്ര​തി​ഭാ​സം ജീ​വ​നോ സ്വ​ത്തി​നോ ഭീ​ഷ​ണി ഉ​യ​ർ​ത്തി​ല്ലെ​ന്നും റി​പ്പോ​ർ​ട്ടി​ൽ പ​റ​യു​ന്നു. സ​യ​ന്‍റി​സ്റ്റ് ഡോ. ​ബി. പ​ത്മ​റാ​വു, ടെ​ക്നീ​ഷ്യ​ൻ കെ. ​എ​ൽ​ദോ​സ് എ​ന്നി​വ​ര​ട​ങ്ങു​ന്ന സം​ഘ​മാ​ണ് ക​ഴി​ഞ്ഞ​ദി​വ​സം ചേ​ന​പ്പാ​ടി​യി​ൽ എ​ത്തി​യ​ത്. സം​ഘം വീ​ടു​ക​ൾ സ​ന്ദ​ർ​ശി​ച്ച് പ്ര​തി​ഭാ​സ​വു​മാ​യി ബ​ന്ധ​പ്പെ​ട്ട വി​വ​ര​ങ്ങ​ളും റി​പ്പോ​ർ​ട്ടു​ക​ളും ശേ​ഖ​രി​ച്ചു. ഭൂ​മി​ക്ക​ടി​യി​ലു​ണ്ടാ​യ ശ​ബ്ദം ആ​ശ​ങ്ക​പ്പെ​ടേ​ണ്ട​തി​ല്ലെ​ന്ന് സെ​ബാ​സ്റ്റ്യ​ൻ കു​ള​ത്തു​ങ്ക​ൽ എം.​എ​ൽ.​എ പ​റ​ഞ്ഞു.ഏ​തെ​ങ്കി​ലും സാ​ഹ​ച​ര്യ​ത്തി​ൽ ഇ​തു​മാ​യി ബ​ന്ധ​പ്പെ​ട്ട വി​ദ​ഗ്ധ പ​രി​ശോ​ധ​ന​ക​ൾ അ​നി​വാ​ര്യ​മാ​കു​ന്ന മു​റ​ക്ക് ആ​വ​ശ്യ​മാ​യ അ​ടി​യ​ന്ത​ര ന​ട​പ​ടി കൈ​ക്കൊ​ള്ളു​മെ​ന്നും എം.​എ​ൽ.​എ പ​റ​ഞ്ഞു.