സാമ്പാറും അവിയലും തോരനും ഊണ്​ ഉഷാറാക്കാം...

കോ​ട്ട​യം: ഒ​ന്ന​ര മാ​സം മു​മ്പു​വ​രെ സെ​ഞ്ച്വ​റി​യ​ടി​ച്ചു നി​ന്ന ത​ക്കാ​ളി വി​ല താ​ഴേ​ക്ക്​. മൊ​ത്ത​മാ​ർ​ക്ക​റ്റി​ൽ 130-150 വ​രെ വി​ല​യു​ണ്ടാ​യി​രു​ന്ന ത​ക്കാ​ളി ഇ​പ്പോ​ൾ 40ലെ​ത്തി. മ​റ്റു പ​ച്ച​ക്ക​റി​ക​ളു​ടെ വി​ല​യും കു​റ​ഞ്ഞു. 30 മു​ത​ൽ 80 വ​രെ​യാ​ണ്​ മി​ക്ക പ​ച്ച​ക്ക​റി​ക​ളു​ടെ​യും ചി​ല്ല​റ വി​പ​ണി വി​ല.

ഓ​ണ​ക്കാ​ല​ത്തു​പോ​ലും വി​ല​യി​ൽ വ​ലി​യ മാ​റ്റ​മു​ണ്ടാ​യി​രു​ന്നി​ല്ല. ക​ന​ത്ത മ​ഴ​യി​ൽ മ​റ്റ്​ സം​സ്ഥാ​ന​ങ്ങ​ളി​ൽ കൃ​ഷി ന​ശി​ച്ച​താ​ണ്​ വി​ല ഉ​യ​രാ​ൻ കാ​ര​ണ​മാ​യ​ത്. എ​ന്നാ​ൽ, പ്രാ​ദേ​ശി​ക വി​പ​ണി​യി​ൽ നി​ന്നു​ള്ള പ​ച്ച​ക്ക​റി​ക​ൾ യ​ഥേ​ഷ്ടം എ​ത്തി​യ​താ​ണ്​ വി​ല​ക്കു​റ​വി​ന് ഇ​ട​യാ​ക്കി​യ​തെ​ന്ന്​ വ്യാ​പാ​രി​ക​ൾ പ​റ​യു​ന്നു. വി​ല വ​ർ​ധ​ന​യെ​ത്തു​ട​ർ​ന്ന് നി​ർ​ത്തി​വെ​ച്ച പ​ച്ച​ക്ക​റി കി​റ്റ് വി​ൽ​പ​ന​യും വ​ഴി​യോ​ര​ക്ക​ച്ച​വ​ട​വും വീ​ണ്ടും സ​ജീ​വ​മാ​യി. താ​ളം തെ​റ്റി​യ അ​ടു​ക്ക​ള ബ​ജ​റ്റി​നും ഇ​തോ​ടെ ആ​ശ്വാ​സ​മാ​യി. മ​ത്സ്യ​മാം​സ വി​ല കു​ത്ത​നെ ഉ​യ​രു​മ്പോ​ൾ പ​ച്ച​ക്ക​റി വി​ല​യി​ൽ കു​റ​വ് വ​ന്ന​ത് സാ​ധാ​ര​ണ​ക്കാ​ർ​ക്ക്​ ആ​ശ്വാ​സ​മേ​കു​ന്നു. 60 രൂ​പ​യു​ണ്ടാ​യി​രു​ന്ന വെ​ണ്ട​ക്ക​ക്ക്​ 40 രൂ​പ​യാ​യി.

90 രൂ​പ​യു​ണ്ടാ​യി​രു​ന്ന ബീ​ൻ​സ് 68 രൂ​പ​യും 90 രൂ​പ​യു​ണ്ടാ​യി​രു​ന്ന പ​യ​ർ 60ലും 80 ​രൂ​പ​യു​ണ്ടാ​യി​രു​ന്ന പാ​വ​ക്ക 60ലു​മെ​ത്തി. മു​രി​ങ്ങ​ക്ക -60, പ​ച്ച​മു​ള​ക് -60, കാ​ര​റ്റ് -60, ബീ​റ്റ്റൂ​ട്ട് -46, വ​ഴു​ത​ന​ങ്ങ -40, സ​വാ​ള -30, പ​ട​വ​ലം -40 എ​ന്നി​ങ്ങ​നെ​യാ​ണ്​ മ​റ്റു പ​ച്ച​ക്ക​റി​ക​ളു​ടെ വി​ല. ഇ​ട​ക്ക്​ അ​ൽ​പം കു​റ​ഞ്ഞു​നി​ന്ന കോ​ഴി വി​ല വീ​ണ്ടും ഉ​യ​ർ​ന്നു​തു​ട​ങ്ങി. 125 ആ​യി​രു​ന്ന കോ​ഴി​ക്ക്​ ഇ​പ്പോ​ൾ 160 രൂ​പ​വ​രെ ന​ൽ​ക​ണം.