വലിയമട വാട്ടർ ഫ്രണ്ട്​ ടൂറിസം പദ്ധതി, ചീപ്പുങ്കൽ ഹൗസ് ബോട്ട് ടെർമിനൽ ഉദ്ഘാടനം ഇന്ന്

കോ​ട്ട​യം: സം​സ്ഥാ​ന​ത്തെ ആ​ദ്യ​ത്തെ മാ​തൃ​ക ഉ​ത്ത​ര​വാ​ദി​ത്ത ടൂ​റി​സം ഗ്രാ​മ​മാ​യി തെ​ര​ഞ്ഞെ​ടു​ക്ക​പ്പെ​ട്ട അ​യ്മ​നം പ​ഞ്ചാ​യ​ത്തി​ൽ വി​നോ​ദ​സ​ഞ്ചാ​ര വ​കു​പ്പ് പൂ​ർ​ത്തീ​ക​രി​ച്ച വ​ലി​യ​മ​ട വാ​ട്ട​ർ ഫ്ര​ണ്ട്​ ടൂ​റി​സം പ​ദ്ധ​തി​യു​ടെ​യും ചീ​പ്പു​ങ്ക​ൽ ഹൗ​സ് ബോ​ട്ട് ടെ​ർ​മി​ന​ലി​ന്റെ​യും ഉ​ദ്ഘാ​ട​നം ചൊ​വ്വാ​ഴ്ച വൈ​കീ​ട്ട് 6.30ന് ​വ​ലി​യ​മ​ട വാ​ട്ട​ർ ഫ്ര​ണ്ട് ടൂ​റി​സം സൈ​റ്റി​ൽ മ​ന്ത്രി പി.​എ. മു​ഹ​മ്മ​ദ് റി​യാ​സ് നി​ർ​വ​ഹി​ക്കും. മ​ന്ത്രി വി.​എ​ൻ. വാ​സ​വ​ൻ അ​ധ്യ​ക്ഷ​ത വ​ഹി​ക്കും. 4.85 കോ​ടി​യി​ൽ അ​യ്മ​നം പ​ഞ്ചാ​യ​ത്തി​ന്റെ ഉ​ട​മ​സ്ഥ​ത​യി​ലു​ള്ള 5.5 ഏ​ക്ക​ർ വി​സ്തൃ​തി​യു​ള്ള വ​ലി​യ​മ​ട കു​ളം ന​വീ​ക​രി​ച്ചാ​ണ് വാ​ട്ട​ർ ഫ്ര​ണ്ട്​ ടൂ​റി​സം പ​ദ്ധ​തി ന​ട​പ്പാ​ക്കി​യ​ത്.

ക​ള​ർ മ്യൂ​സി​ക് വാ​ട്ട​ർ ഫൗ​ണ്ട​ൻ, ​ഫ്ലോ​ട്ടി​ങ് റ​സ്റ്റാ​റ​ന്റ്, ഫ്ലോ​ട്ടി​ങ് വാ​ക്​​വേ, പെ​ഡ​ൽ ബോ​ട്ടി​ങ്, റെ​യി​ൻ ഷ​ട്ട​ർ, ഇ​രി​പ്പി​ട​ങ്ങ​ൾ, കു​ട്ടി​ക​ൾ​ക്കു​ള്ള ക​ളി​യി​ടം, സൈ​ക്ലി​ങ് ഏ​രി​യ, പൂ​ന്തോ​ട്ടം തു​ട​ങ്ങി​യ​വ ഒ​രു​ക്കി​യി​ട്ടു​ണ്ട്. കു​മ​ര​കം ഡെ​സ്റ്റി​നേ​ഷ​ൻ ഡെ​വ​ല​പ്മെ​ന്റ് ടൂ​റി​സം പ​ദ്ധ​തി​യി​ൽ ഉ​ൾ​പ്പെ​ടു​ത്തി 1.44 കോ​ടി​ചെ​ല​വ​ഴി​ച്ചാ​ണ് ചീ​പ്പു​ങ്ക​ൽ ഹൗ​സ് ബോ​ട്ട് ടെ​ർ​മി​ന​ൽ പൂ​ർ​ത്തീ​ക​രി​ച്ച​ത്. തോ​മ​സ് ചാ​ഴി​കാ​ട​ൻ എം.​പി മു​ഖ്യാ​തി​ഥി​യാ​കും. ജി​ല്ല പ​ഞ്ചാ​യ​ത്ത് പ്ര​സി​ഡ​ന്റ് കെ.​വി. ബി​ന്ദു, ടൂ​റി​സം വ​കു​പ്പ് ഡ​യ​റ​ക്ട​ർ പി.​ബി. നൂ​ഹ് തു​ട​ങ്ങി​യ​വ​ർ പ​​ങ്കെ​ടു​ക്കും.