അനങ്ങാതെ തദ്ദേശ സ്ഥാപനങ്ങൾ കോ​ട്ട​യം ജില്ലയിൽ വാക്സിനെടുത്തത്​ 1062 തെരുവുനായ്ക്കൾക്ക്​ മാത്രം

കോ​ട്ട​യം: തെ​രു​വു​നാ​യ്​ ശ​ല്യം രൂ​ക്ഷ​മാ​യി തു​ട​രു​മ്പോ​ഴും ജി​ല്ല​യി​ൽ വാ​ക്സി​നേ​ഷ​ൻ ഇ​ഴ​യു​ന്നു. ഇ​തു​വ​രെ ജി​ല്ല​യി​ൽ 1062 തെ​രു​വു​നാ​യ്ക്ക​ൾ​ക്ക്​ മാ​ത്ര​മാ​ണ്​ വാ​ക്​​സി​ൻ ന​ൽ​കി​യ​ത്. ത​​ദ്ദേ​ശ സ്ഥാ​പ​ന​ങ്ങ​ളു​ടെ മു​ൻ​കൈ​യി​ൽ മൃ​ഗ​സം​ര​ക്ഷ​ണ വ​കു​പ്പാ​ണ്​​ വാ​ക്സി​ൻ ന​ൽ​കു​ന്ന​ത്. എ​ന്നാ​ൽ, ത​ദ്ദേ​ശ സ്ഥാ​പ​ന​ങ്ങ​ൾ താ​ൽ​​പ​ര്യം കാ​ട്ടാ​ത്ത​തി​നാ​ൽ പ​ദ്ധ​തി മു​ട​ന്തു​ക​യാ​ണ്.

ജി​ല്ല​യി​ൽ 15ഓ​ളം പ​ഞ്ചാ​യ​ത്തു​ക​ളി​ൽ മാ​​ത്ര​മാ​ണ്​ തെ​രു​വു​നാ​യ്​ വാ​ക്സി​നേ​ഷ​ൻ ന​ട​ന്ന​ത്. പ​ഞ്ചാ​യ​ത്ത്​ സെ​ക്ര​ട്ട​റി​മാ​രാ​ണ്​ പ​ദ്ധ​തി ന​ട​പ്പാ​ക്കേ​ണ്ട​ത്. നാ​യ്ക്ക​ളെ പി​ടി​കൂ​ടാ​ൻ ജീ​വ​ന​ക്കാ​രെ അ​ട​ക്കം നി​യോ​ഗി​ക്കേ​ണ്ട​​തും ചെ​ല​വ്​ വ​ഹി​ക്കേ​ണ്ട​തും ത​ദ്ദേ​ശ സ്ഥാ​പ​ന​ങ്ങ​ളാ​ണ്. കു​റ​ഞ്ഞ​ത്​ ഒ​രാ​​ളെ​യെ​ങ്കി​ലും നി​യോ​ഗി​ക്ക​ണ​മെ​ന്നാ​യി​രു​ന്നു തീ​രു​മാ​നം.

ഇ​വ​ർ അ​റി​യി​ക്കു​ന്ന​ത​നു​സ​രി​ച്ച്​ മൃ​ഗ​ഡോ​ക്ട​റെ​ത്തി കു​ത്തി​വെ​പ്പ്​ ന​ൽ​ക​ണ​മെ​ന്നാ​ണ്​ വ്യ​വ​സ്ഥ. തെ​രു​വു​നാ​യ്ക്ക​ളെ പി​ടി​കൂ​ടാ​ൻ പ​ഞ്ചാ​യ​ത്തു​ക​ൾ ക​​​ണ്ടെ​ത്തു​ന്ന ജീ​വ​ന​ക്കാ​ർ​ക്ക്​ ​ മൃ​ഗ​സം​ര​ക്ഷ​ണ വ​കു​പ്പ്​ പ​രി​ശീ​ല​നം ന​ൽ​കും. നാ​യ്​ പി​ടി​ത്ത​ക്കാ​ർ​ക്ക്​ വാ​ക്‌​സി​നേ​ഷ​നും ന​ൽ​കും.

എ​ന്നാ​ൽ, ന​ഗ​ര-​ഗ്രാ​മ വ്യ​ത്യാ​സ​മി​ല്ലാ​തെ നാ​യ്ക്ക​ൾ വി​ഹ​രി​ക്കു​മ്പോ​ഴും പ​ഞ്ചാ​യ​ത്തു​ക​ൾ തീ​രു​മാ​നം അ​ട്ടി​മ​റി​ക്കു​ക​യാ​ണ്. വി​വി​ധ പ്ര​ദേ​ശ​ങ്ങ​ളി​ൽ നാ​ട്ടു​കാ​രെ നാ​യ്ക്ക​ൾ അ​ക്ര​മി​ക്കു​മ്പോ​ൾ വാ​ക്സി​നേ​ഷ​നും വ​ന്ധ്യം​ക​ര​ണ​വും ശ​ക്ത​മാ​ക്കു​മെ​ന്ന്​ ത​ദ്ദേ​ശ സ്ഥാ​പ​ന​ങ്ങ​ൾ പ്ര​ഖ്യാ​പി​ക്കു​മെ​ങ്കി​ലും തു​ട​ർ​ന​ട​പ​ടി ഒ​ന്നു​മു​ണ്ടാ​വു​ന്നി​ല്ല. അ​തേ​സ​മ​യം, ജി​ല്ല​യി​ൽ 43,632 വ​ള​ർ​ത്തു​നാ​യ്ക്ക​ൾ​ക്ക്​ വാ​ക്സി​നേ​ഷ​ൻ എ​ടു​ത്തി​ട്ടു​ണ്ട്. തെ​രു​വു​നാ​യ്ക്ക​ൾ​ക്ക്​ സൗ​ജ​ന്യ​മാ​യി വാ​ക്സി​ൻ ന​ൽ​ക​ു​മ്പോ​ൾ വ​ള​ർ​ത്തു​നാ​യ്ക്ക​ൾ​ക്ക് 20 രൂ​പ ഫീ​സ്​ ന​ൽ​ക​ണം. ഇ​തി​നൊ​പ്പം 20 രൂ​പ​ക്ക്​ ഒ.​പി ടി​ക്ക​റ്റും എ​ടു​ക്കേ​ണ്ടി​വ​രും.

നാ​യ്ക്ക​ളെ വ​ന്ധ്യം​ക​രി​ക്കാ​ൻ​ കൂ​ടു​ത​ൽ എ.​ബി.​സി സെ​ന്‍റ​റു​​ക​ൾ തു​റ​ക്കാ​നു​ള്ള നീ​ക്ക​വും വി​ജ​യി​ച്ചി​ട്ടി​ല്ല. ത​ദ്ദേ​ശ സ്ഥാ​പ​ന​ങ്ങ​ൾ​ക്ക്​ സ്ഥ​ലം ക​ണ്ടെ​ത്താ​ൻ ക​ഴി​യാ​ത്ത​താ​ണ്​ ​ഇ​ഴ​യാ​ൻ കാ​ര​ണം. ​കോ​ടി​മ​ത​യി​ലാ​ണ് ജി​ല്ല​യി​ലെ ഏ​ക എ.​ബി.​സി സെ​ന്‍റ​ർ പ്ര​വ​ർ​ത്തി​ക്കു​ന്ന​ത്. ഒ​രു​ദി​വ​സം പ​ത്ത് നാ​യ്​​ക്ക​ളെ​യാ​ണ് ഇ​വി​ടെ വ​ന്ധ്യം​ക​രി​ക്കു​ന്ന​ത്. കോ​ട്ട​യം ന​ഗ​ര​സ​ഭ, പ​ള്ളം ബ്ലോ​ക്ക് പ​ഞ്ചാ​യ​ത്തി​ന്​ കീ​ഴി​ലു​ള്ള പ​ഞ്ചാ​യ​ത്തു​ക​ളി​ലെ​യും തെ​രു​വു​നാ​യ്ക്ക​ളെ​യാ​ണ്​ കോ​ടി​മ​ത സെ​ന്‍റ​റി​ൽ വ​ന്ധ്യം​ക​ര​ണ ശ​സ്ത്ര​ക്രി​യ​ക്ക്​ വി​ധേ​യ​മാ​ക്കു​ന്ന​ത്.

ഇ​ട​വേ​ള​ക്കു​ശേ​ഷം ജി​ല്ല​യി​ൽ തെ​രു​വു​നാ​യ്​ ശ​ല്യം രൂ​ക്ഷ​മാ​യി​രു​ന്നു. ചെ​മ്പി​ലും മ​റ​വ​ൻ​തു​രു​ത്തി‌​ലു​മാ​യി നാ​യ്ക്ക​ളു​ടെ ആ​ക്ര​മ​ണ​ത്തി​ൽ അ​ടു​ത്തി​ടെ10 പേ​ർ​ക്ക്​ ക​ടി​യേ​റ്റു. വെ​ച്ചൂ​രി​ലും നാ​യ്​​ക്കൂ​ട്ടം നാ​ട്ടു​കാ​രെ ആ​ക്ര​മി​ച്ചി​രു​ന്നു. കൂ​ട്ട​മാ​യെ​ത്തു​ന്ന നാ​യ്ക്ക​ൾ കാ​ൽ​ന​ട​യാ​ത്രി​ക​രു​ടെ​യും ഇ​രു​ച​ക്ര​വാ​ഹ​ന യാ​ത്രി​ക​രു​ടെ​യും മു​ന്നി​ലേ​ക്ക് കു​ര​ച്ചു​ചാ​ടു​ന്ന​തും പ​തി​വാ​ണ്. ഇ​രു​ച​ക്ര​വാ​ഹ​ന​ങ്ങ​ൾ മ​റി​ഞ്ഞ് അ​പ​ക​ട​ങ്ങ​ൾ​ക്കും ഇ​ത് ഇ​ട​യാ​ക്കു​ന്നു. ശ​ല്യം രൂ​ക്ഷ​മാ​യ​തോ​ടെ ഹോ​ട്ട് സ്‌​പോ​ട്ടു​ക​ളും മൃ​ഗ​സം​ര​ക്ഷ​ണ വ​കു​പ്പ് പ്ര​ഖ്യാ​പി​ച്ചി​രു​ന്നു. ഒ​രു​മാ​സം പ​ത്തോ അ​തി​ല​ധി​ക​മോ തെ​രു​വു​നാ​യ്​ ആ​ക്ര​മ​ണ​മു​ണ്ടാ​യ സ്ഥ​ല​ങ്ങ​ളെ​യാ​ണ് ഹോ​ട്ട് സ്‌​പോ​ട്ടാ​ക്കി​യ​ത്.

പാ​ലാ, ച​ങ്ങ​നാ​ശ്ശേ​രി, കാ​ഞ്ഞി​ര​പ്പ​ള്ളി, വൈ​ക്കം, വെ​ച്ചൂ​ർ എ​ന്നി​വ​ട​ങ്ങ​ളെ​യാ​ണ്​ ജി​ല്ല​യി​ലെ ഹോ​ട്ട് സ്‌​പോ​ട്ടു​ക​ൾ. ച​ങ്ങ​നാ​ശ്ശേ​രി​യി​ൽ ക​ഴി​ഞ്ഞ ഒ​രു വ​ർ​ഷ​ത്തി​നി​ടെ 321 പേ​ർ​ക്കാ​ണ് ക​ടി​യേ​റ്റ​ത്. കാ​ഞ്ഞി​ര​പ്പ​ള്ളി-192, പാ​ലാ-167, വൈ​ക്കം-150, വെ​ച്ചൂ​ർ- 142 എ​ന്നി​ങ്ങ​നെ​യാ​ണ്​ മ​റ്റി​ട​ങ്ങ​ളി​ൽ നാ​യ്ക്ക​ളു​ടെ ക​ടി​യേ​റ്റ​വ​രു​ടെ എ​ണ്ണം.