അമിതമായി അയണ്‍ഗുളിക കഴിച്ച രണ്ട്​ കുട്ടികള്‍ ആശുപത്രിയില്‍

അ​തി​ര​മ്പു​ഴ: അ​മി​ത​മാ​യി അ​യ​ണ്‍ഗു​ളി​ക ക​ഴി​ച്ച​തി​നെ തു​ട​ര്‍ന്ന് ദേ​ഹാ​സ്വാ​സ്ഥ്യം കാ​ട്ടി​യ ര​ണ്ട്​ വി​ദ്യാ​ർ​ഥി​ക​ളെ ആ​ശു​പ​ത്രി​യി​ൽ പ്ര​വേ​ശി​പ്പി​ച്ചു. അ​തി​ര​മ്പു​ഴ​യി​ലെ സ്വ​കാ​ര്യ സ്‌​കൂ​ളി​ലെ ര​ണ്ട്​ വി​ദ്യാ​ര്‍ഥി​ക​ളെ​യാ​ണ്​ സ​മീ​പ​ത്തെ ആ​ശു​പ​ത്രി​യി​ല്‍ പ്ര​വേ​ശി​പ്പി​ച്ച​ത്. കു​ട്ടി​ക​ള്‍ക്ക് കാ​ര്യ​മാ​യ ആ​രോ​ഗ്യ പ്ര​ശ്‌​ന​ങ്ങ​ളി​ല്ലെ​ന്ന്​ ആ​ശു​പ​ത്രി അ​ധി​കൃ​ത​ർ വ്യ​ക്ത​മാ​ക്കി. ദേ​ശീ​യ ആ​രോ​ഗ്യ സു​ര​ക്ഷ പ​ദ്ധ​തി​യു​ടെ ഭാ​ഗ​മാ​യി വി​ത​ര​ണം ചെ​യ്ത ഗു​ളി​ക​ക​ളാ​ണ് കു​ട്ടി​ക​ൾ ക​ഴി​ച്ച​ത്.

ര​ണ്ട്​ ഗു​ളി​ക​ക്ക്​ പ​ക​രം നാ​ല്​ ഗു​ളി​ക ക​ഴി​ച്ച​താ​ണ് അ​സ്വ​സ്ഥ​ത​ക്ക്​ കാ​ര​ണ​മെ​ന്ന്​ അ​ധി​കൃ​ത​ർ പ​റ​യു​ന്നു. വീ​ട്ടി​ല്‍ ചെ​ന്നു ക​ഴി​ക്കാ​നു​ള്ള ഗു​ളി​ക​ക​ള്‍ നാ​ലെ​ണ്ണം ഒ​ന്നി​ച്ച്​ സ്കൂ​ളി​ൽ​വെ​ച്ച്​ കു​ട്ടി​ക​ൾ ക​ഴി​ക്കു​ക​യാ​യി​രു​ന്നു. തു​ട​ർ​ന്ന്​ കു​ട്ടി​ക​ൾ​ക്ക്​ ദേ​ഹാ​സ്വാ​സ്ഥ്യം അ​നു​ഭ​വ​പ്പെ​ടു​ക​യാ​യി​രു​ന്നു. ഇ​ത്​ ശ്ര​ദ്ധ​യി​ൽ​പെ​ട്ട​തി​നെ തു​ട​ർ​ന്ന്​ സ്കൂ​ൾ അ​ധി​കൃ​ത​ർ ഇ​ട​പെ​ട്ട്​ കു​ട്ടി​ക​ളെ ആ​ശു​പ​ത്രി​യി​ലേ​ക്ക്​ മാ​റ്റു​ക​യാ​യി​രു​ന്നു. നി​ശ്ചി​ത ഡോ​സി​ൽ ഗു​ളി​ക ക​ഴി​ച്ച മ​റ്റ്​ കു​ട്ടി​ക​ൾ​ക്ക്​ സാ​ര​മാ​യ ആ​രോ​ഗ്യ​പ്ര​ശ്നം ഒ​ന്നു​മി​ല്ലെ​ന്ന്​ അ​ധി​കൃ​ത​ർ കൂ​ട്ടി​ച്ചേ​ർ​ത്തു.