കടുത്തുരുത്തിയിൽ എം.ഡി.എം.എയുമായി രണ്ടുപേർ പിടിയിൽ

കോട്ടയം: മാരക രാസലഹരിയായ എം.ഡി.എം.എയുമായി രണ്ട് യുവാക്കൾ പൊലീസ് പിടിയിലായി. അടിച്ചിറ, പേരൂർ വില്ലേജിൽ താമസിക്കുന്ന നദിർഷാ നിഷാദ് (26), തോന്നാംകുഴി, അർപ്പൂക്കര ഗാന്ധിനഗർ സ്വദേശി ആൽബിൻ (24) എന്നിവരാണ് അറസ്റ്റിലായത്. ഇവരിൽ നിന്ന് 147.0766 ഗ്രാം എം.ഡി.എം.എ കണ്ടെത്തി.

കടുത്തുരുത്തി പൊലീസ് ആറാം മൈൽ ഭാഗത്ത് നടത്തിയ പരിശോധനയിലാണ് പ്രതികൾ പിടിയിലായത്. പ്രതികൾ സഞ്ചരിച്ച കാറിലും പ്രതികളുടെ കൈവശവുമാണ് മയക്കുമരുന്ന് കണ്ടെത്തിയത്. വിൽപനക്കും സ്വന്തം ഉപയോഗത്തിനുമായാണ് ഇവർ ഇത് വൈശം വെച്ചതെന്ന് പൊലീസ് പറഞ്ഞു. ജില്ലാ പൊലീസ് മേധാവിയുടെ ഡാൻസാഫ് ടീമിന്റെ തുടർച്ചയായ നിരീക്ഷണങ്ങൾക്കൊടുവിലാണ് പ്രതികൾ പിടിയിലായത്.

നദിർഷയ്‌ക്കെതിരെ വിവിധ പൊലീസ് സ്റ്റേഷനുകളിൽ മുമ്പും നിരവധി കേസുകൾ നിലവിലുണ്ട്. കൂടാതെ കാപ്പാ നടപടിക്ക് വിധേയനായിട്ടുമുണ്ട്. ആൽബിനും ഗാന്ധിനഗർ പൊലീസ് സ്റ്റേഷനിലെ സ്ഥിരം കുറ്റവാളി പട്ടികയിൽ ഉൾപ്പെട്ടയാളാണ്.